Өвөрхангай аймгийн засаг дарга А.Ишдорж Үндэсний сэтгүүлзүйн 110 жил, Олон Улсын эмэгтэйчүүдийн эрхийг хамгаалах өдрийг тохиолдуулан орон нутгийн хэвлэл мэдээллийн байгууллагын ажилтнуудтай “Өглөөний цайны уулзалт” хийлээ.

Цахим орчинд мэдээлэл хяналтгүйгээр урсаж байгаа энэ цагт иргэд, олон нийтийг үнэн зөв мэдээллээр хангаж, худал хуурмаг мэдээллээс үүсэх хор уршгийг арилгахад гол үүрэг хүлээж байгаа хүмүүс бол хэвлэл мэдээллийнхэн юм.

“Мэдээлэлтэй иргэн мэдлэгтэй, мэдлэгтэй иргэн хүчтэй” гэдэг учраас орон нутгийн бодлого шийдвэр, үйл ажиллагааг уншигч, үзэгч, сонсогчдод хүртээмжтэй хүргэх, үүний тулд хэрхэн хамтарч ажиллах талаар санал солилцлоо. Аймгийн удирдлагаас дандаа сайн сайхан зүйлээ магтуулж бичүүлэхийг хүсэхгүй. Болохгүй, хэрэгжихгүй байгаа асуудлыг шүүмжилж, гарц шийдлийг нь хайж, гагцхүү үнэн бодит мэдээллээр л хангах нь чухал болохыг сэтгүүлчдээсээ хүслээ.