Нигерийн баруун өмнөд хэсгийн Огун мужийн нэгэн иргэн нохойгоо улсын Ерөнхийлөгчийнхөө нэрээр нэрлэснийхээ төлөө шүүхэд дуудагджээ. Тус улсын Ерөнхийлөгчийг Мухаммаду Бухари гэдэг. Тэгвэл залуу тэжээвэр нохойгоо “Бухари” гэж нэрлэснээр шүүхэд дуудагдах дээрээ тулсан байна.

Тэжээвэр нохойн эзэн  нохойгоо өөрийн дуртай нэрээр нэрлэсэн нь хуульд харшлахгүй гэдгийг шүүгдэгчийн өмгөөлөгч нь онцолж байгаа аж.  Харин  орон нутгийн удирдлагууд залууг нохойгоо ийн нэрлэсэн нь Ерөнхийлөгчийг гутаан доромжлох бус,  “Бухари” гэх нэртэй хөршөө бухимдуулах зорилгоор тэжээвэр нохойныхоо хоёр талд “Бухари” гэж бичсэн байсан гэдгийг хэвлэлд ярьжээ.

Ямартай ч, түүнийг “олон нийтийг өдөөн хатгасан үйл ажиллагаа явуулсан” гэх үндэслэлээр шүүж байгаа юм байна.