Нийслэлийн хөрсний бохирдлыг бууруулах, иргэдийн эрүүл, цэвэр орчинд зорчих нөхцөлийг хангах зорилгоор 2020 онд Улаанбаатар хотын Захирагчийн ажлын албаны урсгал зардлаас нийтийн бие засах газар хийжээ.

Тодруулбал, эмэгтэй хоёр, эрэгтэй хоёр, хөгжлийн бэрхшээлтэй иргэн бие засах нэг тасалгаатай, хоёр угаалтууртай, цахилгаанаар халааж, цэвэр, бохир усны шугамд холбох зориулалттай хоёр нийтийн бие засах газрыг хийлгэсэн байна. Нийтийн бие засах газрыг Сонгинохайрхан дүүргийн 29 дүгээр хороо, Драгон төвийн зүүн талд, Хан-уул дүүрэг 2 дугаар хороо “Ажилчны алдар” талбайд тус тус байршуулжээ.

Инженерийн шугам сүлжээнд холбох ажлыг өнгөрөгч аравдугаар сард гүйцэтгүүлэн энэ сарын 10-ны өдөр мэргэжлийн комисс ашиглалтад хүлээн авч Хот тохижилтын газар ОНӨААТҮГ-т өчигдөр хүлээлгэн өгсөн байна.