• Эхлэл
  • Цаг агаар
  • Валют ханш
  • Улс төр
  • Эдийн засаг
  • Үзэл бодол
  • Спорт
  • Нийгэм
  • Дэлхий
  • Энтертайнмэнт
  • Зурхай



Дроноор үйл ажиллагаа явуулах зөвшөөрөлтэй байгууллага манай улсад байхгүй

Цар тахлын тархалтаас үл хамааран олон хүнийг нэг дор цуглуулсан  “Дижитал үндэстэн” арга хэмжээний үеэр Монгол Улс анх удаа дрон болон гэрлийн шоуг үзүүлсэн нь дэлхийтэй хөл нийлүүлэн алхаж яваагийн тод илрэл хэмээн баяртайгаар хүлээж авсан билээ. Дроны шоуг хийсэн тусгай төхөөрөмжийг Монгол Улсад тусгай зөвшөөрлөөр оруулж ирдэг бөгөөд хүн бүр хэрэглэх боломжгүй байдаг юм. Энэ удаагийн “Дижитал үндэстэн” арга хэмжээг Үндэсний цэцэрлэгт хүрээлэн буюу задгай талбайд зохион байгуулсан нь дрон шоу хийх нөхцөлийг бүрдүүлжээ.Учир нь хязгаарлагдмал орчинд  дрон шоу хийх боломжгүй байдаг аж.
Тус арга хэмжээний үеэр гадны  халдлагын улмаас дроны шоуны дүрс унасан гэсэн мэдээлэл олны анхаарлыг ихээр татаж, шуугианы нэг том сэдэв болсон юм. Энэ талаар Дроны шоуг зохион байгуулсан BRB компанийн захирал Ж.Энхжаргалан “Шоугаа хийхэд зориулж гадаадаас 250 дрон авсан. Шоуны үеэр 200 гаруйг нь хөөргөн, 15 минутын хугацаанд 16 дүрс үзүүлэхээр төлөвлөсөн байсан. Бид шоуны өмнө туршиж үзэхэд ямар нэгэн алдаа гараагүй. Цаг агаар, салхи, ойр орчны цахилгаан соронзон орон, техникийн бүрэн бүтэн байдлыг нарийн шалгасан. Нээлтийн өдөр дахин туршихад ямар нэгэн алдаа гараагүй.Гэвч 20:15 цагт үзүүлбэрээ эхлүүлээд дронуудаа хөөргөхөд дэлхийгийн дараагийн дүрс болох соёмбо руу шилжих мөчид хоёр дрон унасан. Шалтгааныг нь шалгахад “Халдлага” байсан. Үндсэндээ манай дронууд руу долгионы буугаар 3-4 удаа буудсан. Тухайн өдөр манай дронууд 20 гаруй хиймэл дагуултай холбогдчихсон байсан. Бараг тал нь тасарсан. Датан дээр “3-4 удаа халдлагад өртлөө” гэж гарч ирсэн. Бид бүх датаг нь мэргэжлийн байгууллага руу илгээн, шалгуулсан. Одоо хуулийн байгууллагад шалгуулна. Үүнийг хэн нэгэн санаатай хийсэн байх” хэмээн хэвлэлд ярьсан юм. Энэ нь дроны талаарх ойлголт, хэрэглээ бүрэн төлөвшөөгүй манай улсын иргэдийн хувьд шинэ сэдэв байв. ИНЕГ-аас энэ талаар тодруулахад “Дронд гаднаас халдлага гарсан талаар мэдээлэл бидэнд ирээгүй” гэсэн хариуг өгсөн юм.Энэ хүрээнд дроныг ямар газар нисгэж болох, хаанаас зөвшөөрөл авах  талаар нийтлэл бэлтгэлээ.

15 кг-аас дээш жинтэй дрон нисгэх бол  үнэмлэх авсан байх ёстой

Дроныг анх шуудан хүргэх, зураг дарах зэргээр ашигладаг байсан бол өдгөө дэлхийд хөдөө аж ахуй, барилгын 3D зураг боловсруулах, онцгой байдал, гал унтраах, хөрсний бүтэц тодорхойлох, кино үйлдвэрлэл, дэд бүтцийн хяналт шалгалт, ашигт малтмалын хайгуул, хилийн хяналт гэсэн олон салбарт төрөл бүрээр ашиглаж байна. Үүнээс гадна судалгаа шинжилгээ болон хөгжүүлэлт зэрэгт  дроныг ашиглах нь хурдацтай хөгжиж буй салбар болж байна. Учир нь өмнө нь гүйцэтгэх боломжгүй байсан, өндөр өртөгтэй, эсвэл хувь хүний хувьд эрсдэлтэй байсан үйл ажиллагааг  дроноор гүйцэтгэх удирдлага, арга ажиллагааны систем олон улсад бүрэлдэж байна. 
Монгол Улсын хувьд 2002 оноос хүнгүй нисдэг төхөөрөмж гэдэг ангиллаар радио удирдлагатай нисэх төхөөрөмжийн талаар эрх зүйн зохицуулалттай болсон байдаг.  Манай улсын хувьд ч сүүлийн жилүүдэд дроныг иргэд, байгууллагууд ашиглах нь  нэмэгдсэн юм. Тухайлбал, Нарлаг Улаанбаатар Ротари клубээс санаачлан Цус сэлбэлт судлалын үндэсний төвтэй хамтарч нисгэгчгүй нисэх төхөөрөмжөөр цус, цусан бүтээгдэхүүн тээвэрлэх “REDrone” төслийг хэрэгжүүлж, анхны нислэгээ энэ оны дөрөвдүгээр сарын 28-нд хийсэн юм.Хот дотор дрон ашиглах нь цус, цусан бүтээгдэхүүнийг эмнэлэг хооронд захиалгын дагуу тээвэрлэх зардал, хугацааг хэмнэх, хүний нөөц, ажлын ачааллыг багасгах замаар эдийн засгийн үр ашгийг нэмэх ач холбогдолтойг мэргэжилтнүүд онцолж байв.Гэхдээ дрон нисгэхдээ нислэгийн өндөр, хяналттай агаарын зай, төхөөрөмжийн жин, гүйцэтгэх гэж байгаа үйл ажиллагааны эрсдэлийн зэргээс хамааран удирдах эрх бүхий байгууллагаас зөвшөөрөл, эрх авсан байх шаардлагатай байдаг. 
Энэ талаар ИНЕГ-ын Нисэхийн аюулгүй ажиллагааны хяналт, зохицуулалтын албаны Нислэгийн стандарт, үйл ажиллагааны хяналтын хэлтсийн дарга бөгөөд нисэхийн аюулгүй ажиллагааны хяналтын байцаагч Б.Баярсайхан “Сонирхогчийн хүрээнд 15 кг-аас доош бохир жинтэй агаарын хөлгийг нисгэх бол зөвшөөрөл авах шаардлагагүй.Харин иргэний нисэхийн дүрэм (ИНД)-101-ийг баримталж нислэг үйлдэх ёстой. Хувь хүн бохир жин нь 25 кг-аас дээш жинтэй дрон ашиглахыг хориглоно. Хэрэв иргэн бохир жин нь 15-25 кг хүртэл жинтэй, дрон буюу алсын удирдлагатай агаарын хөлгөөр нислэг үйлдэх бол тусгай сургалтад сууж үнэмлэх авсан байна.Хэрэв  25 кг болон түүнээс дээш бохир жинтэй агаарын хөлгөөр үйл ажиллагаа гүйцэтгэхийг хүсвэл, автоматаар ИНД-102-д хамрагдана. 25кг бохир жинд агаарын хөлгийн зөөвөрлөж байгаа аливаа ачаа багтана.Дроноор үйл ажиллагаа гүйцэтгэхээр зорьж байгаа бол ИНЕГ-тай ops@mcaa.gov.mn болон ansa@mcaa.gov.mn хаягаар холбогдож тэдний үйл ажиллагаа, эсвэл ашиглах агаарын хөлгийн маягийн талаар болон, тэдгээрт үйлчлэх дүрмийн талаар мэдээлэл авах боломжтой. Одоогоор Монгол Улсад дроноор үйл ажиллагаа явуулах зөвшөөрөл авсан байгууллага байхгүй” гэж ярьсан юм. Сонирхуулахад, Шинэ Зеланд улсад дроноор үйл ажиллагаа явуулах зөвшөөрөлтэй 131 байгууллага байдаг.
Харин зөвшөөрөлгүйгээр алсын удирдлагатай агаарын хөлгийг нисгэсэн тохиолдолд Зөрчлийн тухай хуулийн 14.8.3-т заасны дагуу Иргэний нисэхийн үйл ажиллагаанд нийтээр дагаж мөрдөх дүрэм, журам зөрчсөн бол нисэхийн үйл ажиллагаа эрхлэх эрхийг нэг жилийн хугацаагаар хасаж хүнийг гурван зуун нэгжтэй тэнцэх хэмжээний төгрөгөөр, хуулийн этгээдийг гурван мянган нэгжтэй тэнцэх хэмжээний төгрөгөөр торгоно гэсэн заалттай байдаг аж.

Төрийн ордон, нисэх буудлын ойролцоо дрон нисгэхийг хориглодог

Олон улс болон орон нутгийн нисэх буудал, иргэний нисэхийн дүрэм 71-д заасан хязгаарлалтай, аюултай бүс, хориотой бүсэд дроны нислэг үйлдэхийг хориглоно.Жишээлбэл, Их тэнгэрийн ам, Төрийн ордон, Тагнуулын ерөнхий газар, Төв цэнгэлдэх хүрээлэн, цэргийн ангиуд,  хүн ихээр цугларсан газарт дрон нисгэхийг хориглодог. Нисэхийн аюулгүй байдал болон аюулгүйн хамгаалалт, үндэсний аюулгүйн хамгаалалт, нийтийн ашиг сонирхлын бусад шалтгаанаар агаарын хөлгийн үйл ажиллагаанд хязгаарлалт хийх шаардлагатай үед тусгай зориулалтаар ашиглах агаарын зайг тогтоодог. Тусгай зориулалтаар ашиглах агаарын зайд хязгаарлалттай бүс, цэргийн үйл ажиллагааны бүс, радио нэвтрүүлэг шаардлагатай зоон, галт уулын аюулын зоон, аюултай бүс болон нам өндрийн нислэгийн зоон багтана.Эдгээр нь төрийн нууц, агаарын хөлгийн аюулгүй ажиллагаа, хувь хүнд хохирол учруулахаас сэргийлж байгаа үйлдэл юм. Ер нь олон нийтийн эрх ашигтай холбоотой буюу ямар нэгэн хувь хүн байгууллагад хохирол учруулахаас сэргийлэх зорилгоор дрон нисгэх тусгай зөвшөөрөл өгдөг.ИНЕГ-ын зүгээс алсын удирдлагатай агаарын хөлгийг бүртгэж, Иргэний нисэхийн тухай хууль, дүрмийн хүрээнд хяналт тавьж ажилладаг. Дрон буюу алсын удирдлагатай агаарын хөлөг бүр нь зөвшөөрөлтэй үйлдвэрт үйлдвэрлэгдсэн тохиолдолд бүртгэл буюу серийн дугаар олгогддог. Тухайн дугаарыг иргэн, аж ахуйн нэгж байгууллага ИНЕГ-т заавал бүртгүүлсэн байх шаардлагатай байдаг юм.

Эх сурвалж: "Зууны мэдээ" сонин 2021.10.19 МЯГМАР № 205 (6682)

    ХУВААЛЦАХ ЖИРГЭХ


МЭДЭЭНИЙ СЭТГЭГДЭЛ
Сэтгэгдэл үлдээх
  • Цагаар
  • Таалагдсан
  • Цагаар
    • Цагаар
    • Таалагдсан

Сэтгэгдэл байхгүй байна.
ХОЛБООТОЙ МЭДЭЭ
Аж үйлдвэр, эрдэс баялгийн яам: Улсын хэмжээнд шатахууны нөөц болон импортын үйл ажиллагаа хэвийн үргэлжилж байна
Дунд гол дагуу 11.1 км урт талбайг цэвэрлэж, 68.3 тонн хог хаягдлыг төвлөрсөн хогийн цэгт хүргүүлэв
Нийтийн эзэмшлийн 28 байршилд төлбөртэй зогсоол барих ажил үргэлжилж байна
Ашиглалтын шаардлага хангахгүй нийтийн зориулалттай орон сууцыг буулгаж, шинээр 108 айлын орон сууц барьж байна



Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.

Copyright © MMINFO.MN All Rights Reserved. Powered by HUREEMEDIA.





  • Эхлэл
  • Цаг агаар
  • Валют ханш
  • Улс төр
  • Эдийн засаг
  • Үзэл бодол
  • Спорт
  • Нийгэм
  • Дэлхий
  • Энтертайнмэнт
  • Зурхай



Дроноор үйл ажиллагаа явуулах зөвшөөрөлтэй байгууллага манай улсад байхгүй

Цар тахлын тархалтаас үл хамааран олон хүнийг нэг дор цуглуулсан  “Дижитал үндэстэн” арга хэмжээний үеэр Монгол Улс анх удаа дрон болон гэрлийн шоуг үзүүлсэн нь дэлхийтэй хөл нийлүүлэн алхаж яваагийн тод илрэл хэмээн баяртайгаар хүлээж авсан билээ. Дроны шоуг хийсэн тусгай төхөөрөмжийг Монгол Улсад тусгай зөвшөөрлөөр оруулж ирдэг бөгөөд хүн бүр хэрэглэх боломжгүй байдаг юм. Энэ удаагийн “Дижитал үндэстэн” арга хэмжээг Үндэсний цэцэрлэгт хүрээлэн буюу задгай талбайд зохион байгуулсан нь дрон шоу хийх нөхцөлийг бүрдүүлжээ.Учир нь хязгаарлагдмал орчинд  дрон шоу хийх боломжгүй байдаг аж.
Тус арга хэмжээний үеэр гадны  халдлагын улмаас дроны шоуны дүрс унасан гэсэн мэдээлэл олны анхаарлыг ихээр татаж, шуугианы нэг том сэдэв болсон юм. Энэ талаар Дроны шоуг зохион байгуулсан BRB компанийн захирал Ж.Энхжаргалан “Шоугаа хийхэд зориулж гадаадаас 250 дрон авсан. Шоуны үеэр 200 гаруйг нь хөөргөн, 15 минутын хугацаанд 16 дүрс үзүүлэхээр төлөвлөсөн байсан. Бид шоуны өмнө туршиж үзэхэд ямар нэгэн алдаа гараагүй. Цаг агаар, салхи, ойр орчны цахилгаан соронзон орон, техникийн бүрэн бүтэн байдлыг нарийн шалгасан. Нээлтийн өдөр дахин туршихад ямар нэгэн алдаа гараагүй.Гэвч 20:15 цагт үзүүлбэрээ эхлүүлээд дронуудаа хөөргөхөд дэлхийгийн дараагийн дүрс болох соёмбо руу шилжих мөчид хоёр дрон унасан. Шалтгааныг нь шалгахад “Халдлага” байсан. Үндсэндээ манай дронууд руу долгионы буугаар 3-4 удаа буудсан. Тухайн өдөр манай дронууд 20 гаруй хиймэл дагуултай холбогдчихсон байсан. Бараг тал нь тасарсан. Датан дээр “3-4 удаа халдлагад өртлөө” гэж гарч ирсэн. Бид бүх датаг нь мэргэжлийн байгууллага руу илгээн, шалгуулсан. Одоо хуулийн байгууллагад шалгуулна. Үүнийг хэн нэгэн санаатай хийсэн байх” хэмээн хэвлэлд ярьсан юм. Энэ нь дроны талаарх ойлголт, хэрэглээ бүрэн төлөвшөөгүй манай улсын иргэдийн хувьд шинэ сэдэв байв. ИНЕГ-аас энэ талаар тодруулахад “Дронд гаднаас халдлага гарсан талаар мэдээлэл бидэнд ирээгүй” гэсэн хариуг өгсөн юм.Энэ хүрээнд дроныг ямар газар нисгэж болох, хаанаас зөвшөөрөл авах  талаар нийтлэл бэлтгэлээ.

15 кг-аас дээш жинтэй дрон нисгэх бол  үнэмлэх авсан байх ёстой

Дроныг анх шуудан хүргэх, зураг дарах зэргээр ашигладаг байсан бол өдгөө дэлхийд хөдөө аж ахуй, барилгын 3D зураг боловсруулах, онцгой байдал, гал унтраах, хөрсний бүтэц тодорхойлох, кино үйлдвэрлэл, дэд бүтцийн хяналт шалгалт, ашигт малтмалын хайгуул, хилийн хяналт гэсэн олон салбарт төрөл бүрээр ашиглаж байна. Үүнээс гадна судалгаа шинжилгээ болон хөгжүүлэлт зэрэгт  дроныг ашиглах нь хурдацтай хөгжиж буй салбар болж байна. Учир нь өмнө нь гүйцэтгэх боломжгүй байсан, өндөр өртөгтэй, эсвэл хувь хүний хувьд эрсдэлтэй байсан үйл ажиллагааг  дроноор гүйцэтгэх удирдлага, арга ажиллагааны систем олон улсад бүрэлдэж байна. 
Монгол Улсын хувьд 2002 оноос хүнгүй нисдэг төхөөрөмж гэдэг ангиллаар радио удирдлагатай нисэх төхөөрөмжийн талаар эрх зүйн зохицуулалттай болсон байдаг.  Манай улсын хувьд ч сүүлийн жилүүдэд дроныг иргэд, байгууллагууд ашиглах нь  нэмэгдсэн юм. Тухайлбал, Нарлаг Улаанбаатар Ротари клубээс санаачлан Цус сэлбэлт судлалын үндэсний төвтэй хамтарч нисгэгчгүй нисэх төхөөрөмжөөр цус, цусан бүтээгдэхүүн тээвэрлэх “REDrone” төслийг хэрэгжүүлж, анхны нислэгээ энэ оны дөрөвдүгээр сарын 28-нд хийсэн юм.Хот дотор дрон ашиглах нь цус, цусан бүтээгдэхүүнийг эмнэлэг хооронд захиалгын дагуу тээвэрлэх зардал, хугацааг хэмнэх, хүний нөөц, ажлын ачааллыг багасгах замаар эдийн засгийн үр ашгийг нэмэх ач холбогдолтойг мэргэжилтнүүд онцолж байв.Гэхдээ дрон нисгэхдээ нислэгийн өндөр, хяналттай агаарын зай, төхөөрөмжийн жин, гүйцэтгэх гэж байгаа үйл ажиллагааны эрсдэлийн зэргээс хамааран удирдах эрх бүхий байгууллагаас зөвшөөрөл, эрх авсан байх шаардлагатай байдаг. 
Энэ талаар ИНЕГ-ын Нисэхийн аюулгүй ажиллагааны хяналт, зохицуулалтын албаны Нислэгийн стандарт, үйл ажиллагааны хяналтын хэлтсийн дарга бөгөөд нисэхийн аюулгүй ажиллагааны хяналтын байцаагч Б.Баярсайхан “Сонирхогчийн хүрээнд 15 кг-аас доош бохир жинтэй агаарын хөлгийг нисгэх бол зөвшөөрөл авах шаардлагагүй.Харин иргэний нисэхийн дүрэм (ИНД)-101-ийг баримталж нислэг үйлдэх ёстой. Хувь хүн бохир жин нь 25 кг-аас дээш жинтэй дрон ашиглахыг хориглоно. Хэрэв иргэн бохир жин нь 15-25 кг хүртэл жинтэй, дрон буюу алсын удирдлагатай агаарын хөлгөөр нислэг үйлдэх бол тусгай сургалтад сууж үнэмлэх авсан байна.Хэрэв  25 кг болон түүнээс дээш бохир жинтэй агаарын хөлгөөр үйл ажиллагаа гүйцэтгэхийг хүсвэл, автоматаар ИНД-102-д хамрагдана. 25кг бохир жинд агаарын хөлгийн зөөвөрлөж байгаа аливаа ачаа багтана.Дроноор үйл ажиллагаа гүйцэтгэхээр зорьж байгаа бол ИНЕГ-тай ops@mcaa.gov.mn болон ansa@mcaa.gov.mn хаягаар холбогдож тэдний үйл ажиллагаа, эсвэл ашиглах агаарын хөлгийн маягийн талаар болон, тэдгээрт үйлчлэх дүрмийн талаар мэдээлэл авах боломжтой. Одоогоор Монгол Улсад дроноор үйл ажиллагаа явуулах зөвшөөрөл авсан байгууллага байхгүй” гэж ярьсан юм. Сонирхуулахад, Шинэ Зеланд улсад дроноор үйл ажиллагаа явуулах зөвшөөрөлтэй 131 байгууллага байдаг.
Харин зөвшөөрөлгүйгээр алсын удирдлагатай агаарын хөлгийг нисгэсэн тохиолдолд Зөрчлийн тухай хуулийн 14.8.3-т заасны дагуу Иргэний нисэхийн үйл ажиллагаанд нийтээр дагаж мөрдөх дүрэм, журам зөрчсөн бол нисэхийн үйл ажиллагаа эрхлэх эрхийг нэг жилийн хугацаагаар хасаж хүнийг гурван зуун нэгжтэй тэнцэх хэмжээний төгрөгөөр, хуулийн этгээдийг гурван мянган нэгжтэй тэнцэх хэмжээний төгрөгөөр торгоно гэсэн заалттай байдаг аж.

Төрийн ордон, нисэх буудлын ойролцоо дрон нисгэхийг хориглодог

Олон улс болон орон нутгийн нисэх буудал, иргэний нисэхийн дүрэм 71-д заасан хязгаарлалтай, аюултай бүс, хориотой бүсэд дроны нислэг үйлдэхийг хориглоно.Жишээлбэл, Их тэнгэрийн ам, Төрийн ордон, Тагнуулын ерөнхий газар, Төв цэнгэлдэх хүрээлэн, цэргийн ангиуд,  хүн ихээр цугларсан газарт дрон нисгэхийг хориглодог. Нисэхийн аюулгүй байдал болон аюулгүйн хамгаалалт, үндэсний аюулгүйн хамгаалалт, нийтийн ашиг сонирхлын бусад шалтгаанаар агаарын хөлгийн үйл ажиллагаанд хязгаарлалт хийх шаардлагатай үед тусгай зориулалтаар ашиглах агаарын зайг тогтоодог. Тусгай зориулалтаар ашиглах агаарын зайд хязгаарлалттай бүс, цэргийн үйл ажиллагааны бүс, радио нэвтрүүлэг шаардлагатай зоон, галт уулын аюулын зоон, аюултай бүс болон нам өндрийн нислэгийн зоон багтана.Эдгээр нь төрийн нууц, агаарын хөлгийн аюулгүй ажиллагаа, хувь хүнд хохирол учруулахаас сэргийлж байгаа үйлдэл юм. Ер нь олон нийтийн эрх ашигтай холбоотой буюу ямар нэгэн хувь хүн байгууллагад хохирол учруулахаас сэргийлэх зорилгоор дрон нисгэх тусгай зөвшөөрөл өгдөг.ИНЕГ-ын зүгээс алсын удирдлагатай агаарын хөлгийг бүртгэж, Иргэний нисэхийн тухай хууль, дүрмийн хүрээнд хяналт тавьж ажилладаг. Дрон буюу алсын удирдлагатай агаарын хөлөг бүр нь зөвшөөрөлтэй үйлдвэрт үйлдвэрлэгдсэн тохиолдолд бүртгэл буюу серийн дугаар олгогддог. Тухайн дугаарыг иргэн, аж ахуйн нэгж байгууллага ИНЕГ-т заавал бүртгүүлсэн байх шаардлагатай байдаг юм.

Эх сурвалж: "Зууны мэдээ" сонин 2021.10.19 МЯГМАР № 205 (6682)



МЭДЭЭНИЙ СЭТГЭГДЭЛ
Сэтгэгдэл үлдээх
  • Цагаар
  • Таалагдсан
  • Цагаар
    • Цагаар
    • Таалагдсан

Сэтгэгдэл байхгүй байна.


Бидний тухай Редакцийн бодлого Сурталчилгаа байршуулах Холбоо барих

Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.

Copyright © MMINFO.MN All Rights Reserved. Powered by HUREEMEDIA.





Эхлэл Улс төр Эдийн засаг Үзэл бодол Спорт Нийгэм Дэлхий Энтертайнмэнт Зурхай
  • Нийтлэл
  • •
  • Ярилцлага
  • •
  • Сурвалжлага
  • •
  • Азийн АШТ
  • •
  • Фото мэдээ
  • •
  • Оддын амьдрал
БҮХ СЭДЭВ
  • •Ерөнхийлөгч
  • •Нийслэл
  • •Засгийн газар
  • •Гадаад харилцаа
  • •Нийтлэл
  • •Фото мэдээ
  • •Гэмт хэрэг
  • •Сагсанбөмбөг
  • •Шүүхийн танхимаас
  • •Ипотекийн зээл
  • •Боловсрол
  • •Кино, театр
  • •Бөхийн төрлүүд
  • •Уул уурхай
  • •Сэрэмжлүүлэг
ХУРААХ
Гурван жил дуншсан Дарханы...
УИХ-ын таван байнгын хороо, нэг...

Дроноор үйл ажиллагаа явуулах зөвшөөрөлтэй байгууллага манай улсад байхгүй

ДОЛЖИНЖАВ 2021-10-19
    ХУВААЛЦАХ ЖИРГЭХ
Дроноор үйл ажиллагаа явуулах зөвшөөрөлтэй байгууллага манай улсад байхгүй

Цар тахлын тархалтаас үл хамааран олон хүнийг нэг дор цуглуулсан  “Дижитал үндэстэн” арга хэмжээний үеэр Монгол Улс анх удаа дрон болон гэрлийн шоуг үзүүлсэн нь дэлхийтэй хөл нийлүүлэн алхаж яваагийн тод илрэл хэмээн баяртайгаар хүлээж авсан билээ. Дроны шоуг хийсэн тусгай төхөөрөмжийг Монгол Улсад тусгай зөвшөөрлөөр оруулж ирдэг бөгөөд хүн бүр хэрэглэх боломжгүй байдаг юм. Энэ удаагийн “Дижитал үндэстэн” арга хэмжээг Үндэсний цэцэрлэгт хүрээлэн буюу задгай талбайд зохион байгуулсан нь дрон шоу хийх нөхцөлийг бүрдүүлжээ.Учир нь хязгаарлагдмал орчинд  дрон шоу хийх боломжгүй байдаг аж.
Тус арга хэмжээний үеэр гадны  халдлагын улмаас дроны шоуны дүрс унасан гэсэн мэдээлэл олны анхаарлыг ихээр татаж, шуугианы нэг том сэдэв болсон юм. Энэ талаар Дроны шоуг зохион байгуулсан BRB компанийн захирал Ж.Энхжаргалан “Шоугаа хийхэд зориулж гадаадаас 250 дрон авсан. Шоуны үеэр 200 гаруйг нь хөөргөн, 15 минутын хугацаанд 16 дүрс үзүүлэхээр төлөвлөсөн байсан. Бид шоуны өмнө туршиж үзэхэд ямар нэгэн алдаа гараагүй. Цаг агаар, салхи, ойр орчны цахилгаан соронзон орон, техникийн бүрэн бүтэн байдлыг нарийн шалгасан. Нээлтийн өдөр дахин туршихад ямар нэгэн алдаа гараагүй.Гэвч 20:15 цагт үзүүлбэрээ эхлүүлээд дронуудаа хөөргөхөд дэлхийгийн дараагийн дүрс болох соёмбо руу шилжих мөчид хоёр дрон унасан. Шалтгааныг нь шалгахад “Халдлага” байсан. Үндсэндээ манай дронууд руу долгионы буугаар 3-4 удаа буудсан. Тухайн өдөр манай дронууд 20 гаруй хиймэл дагуултай холбогдчихсон байсан. Бараг тал нь тасарсан. Датан дээр “3-4 удаа халдлагад өртлөө” гэж гарч ирсэн. Бид бүх датаг нь мэргэжлийн байгууллага руу илгээн, шалгуулсан. Одоо хуулийн байгууллагад шалгуулна. Үүнийг хэн нэгэн санаатай хийсэн байх” хэмээн хэвлэлд ярьсан юм. Энэ нь дроны талаарх ойлголт, хэрэглээ бүрэн төлөвшөөгүй манай улсын иргэдийн хувьд шинэ сэдэв байв. ИНЕГ-аас энэ талаар тодруулахад “Дронд гаднаас халдлага гарсан талаар мэдээлэл бидэнд ирээгүй” гэсэн хариуг өгсөн юм.Энэ хүрээнд дроныг ямар газар нисгэж болох, хаанаас зөвшөөрөл авах  талаар нийтлэл бэлтгэлээ.

15 кг-аас дээш жинтэй дрон нисгэх бол  үнэмлэх авсан байх ёстой

Дроныг анх шуудан хүргэх, зураг дарах зэргээр ашигладаг байсан бол өдгөө дэлхийд хөдөө аж ахуй, барилгын 3D зураг боловсруулах, онцгой байдал, гал унтраах, хөрсний бүтэц тодорхойлох, кино үйлдвэрлэл, дэд бүтцийн хяналт шалгалт, ашигт малтмалын хайгуул, хилийн хяналт гэсэн олон салбарт төрөл бүрээр ашиглаж байна. Үүнээс гадна судалгаа шинжилгээ болон хөгжүүлэлт зэрэгт  дроныг ашиглах нь хурдацтай хөгжиж буй салбар болж байна. Учир нь өмнө нь гүйцэтгэх боломжгүй байсан, өндөр өртөгтэй, эсвэл хувь хүний хувьд эрсдэлтэй байсан үйл ажиллагааг  дроноор гүйцэтгэх удирдлага, арга ажиллагааны систем олон улсад бүрэлдэж байна. 
Монгол Улсын хувьд 2002 оноос хүнгүй нисдэг төхөөрөмж гэдэг ангиллаар радио удирдлагатай нисэх төхөөрөмжийн талаар эрх зүйн зохицуулалттай болсон байдаг.  Манай улсын хувьд ч сүүлийн жилүүдэд дроныг иргэд, байгууллагууд ашиглах нь  нэмэгдсэн юм. Тухайлбал, Нарлаг Улаанбаатар Ротари клубээс санаачлан Цус сэлбэлт судлалын үндэсний төвтэй хамтарч нисгэгчгүй нисэх төхөөрөмжөөр цус, цусан бүтээгдэхүүн тээвэрлэх “REDrone” төслийг хэрэгжүүлж, анхны нислэгээ энэ оны дөрөвдүгээр сарын 28-нд хийсэн юм.Хот дотор дрон ашиглах нь цус, цусан бүтээгдэхүүнийг эмнэлэг хооронд захиалгын дагуу тээвэрлэх зардал, хугацааг хэмнэх, хүний нөөц, ажлын ачааллыг багасгах замаар эдийн засгийн үр ашгийг нэмэх ач холбогдолтойг мэргэжилтнүүд онцолж байв.Гэхдээ дрон нисгэхдээ нислэгийн өндөр, хяналттай агаарын зай, төхөөрөмжийн жин, гүйцэтгэх гэж байгаа үйл ажиллагааны эрсдэлийн зэргээс хамааран удирдах эрх бүхий байгууллагаас зөвшөөрөл, эрх авсан байх шаардлагатай байдаг. 
Энэ талаар ИНЕГ-ын Нисэхийн аюулгүй ажиллагааны хяналт, зохицуулалтын албаны Нислэгийн стандарт, үйл ажиллагааны хяналтын хэлтсийн дарга бөгөөд нисэхийн аюулгүй ажиллагааны хяналтын байцаагч Б.Баярсайхан “Сонирхогчийн хүрээнд 15 кг-аас доош бохир жинтэй агаарын хөлгийг нисгэх бол зөвшөөрөл авах шаардлагагүй.Харин иргэний нисэхийн дүрэм (ИНД)-101-ийг баримталж нислэг үйлдэх ёстой. Хувь хүн бохир жин нь 25 кг-аас дээш жинтэй дрон ашиглахыг хориглоно. Хэрэв иргэн бохир жин нь 15-25 кг хүртэл жинтэй, дрон буюу алсын удирдлагатай агаарын хөлгөөр нислэг үйлдэх бол тусгай сургалтад сууж үнэмлэх авсан байна.Хэрэв  25 кг болон түүнээс дээш бохир жинтэй агаарын хөлгөөр үйл ажиллагаа гүйцэтгэхийг хүсвэл, автоматаар ИНД-102-д хамрагдана. 25кг бохир жинд агаарын хөлгийн зөөвөрлөж байгаа аливаа ачаа багтана.Дроноор үйл ажиллагаа гүйцэтгэхээр зорьж байгаа бол ИНЕГ-тай ops@mcaa.gov.mn болон ansa@mcaa.gov.mn хаягаар холбогдож тэдний үйл ажиллагаа, эсвэл ашиглах агаарын хөлгийн маягийн талаар болон, тэдгээрт үйлчлэх дүрмийн талаар мэдээлэл авах боломжтой. Одоогоор Монгол Улсад дроноор үйл ажиллагаа явуулах зөвшөөрөл авсан байгууллага байхгүй” гэж ярьсан юм. Сонирхуулахад, Шинэ Зеланд улсад дроноор үйл ажиллагаа явуулах зөвшөөрөлтэй 131 байгууллага байдаг.
Харин зөвшөөрөлгүйгээр алсын удирдлагатай агаарын хөлгийг нисгэсэн тохиолдолд Зөрчлийн тухай хуулийн 14.8.3-т заасны дагуу Иргэний нисэхийн үйл ажиллагаанд нийтээр дагаж мөрдөх дүрэм, журам зөрчсөн бол нисэхийн үйл ажиллагаа эрхлэх эрхийг нэг жилийн хугацаагаар хасаж хүнийг гурван зуун нэгжтэй тэнцэх хэмжээний төгрөгөөр, хуулийн этгээдийг гурван мянган нэгжтэй тэнцэх хэмжээний төгрөгөөр торгоно гэсэн заалттай байдаг аж.

Төрийн ордон, нисэх буудлын ойролцоо дрон нисгэхийг хориглодог

Олон улс болон орон нутгийн нисэх буудал, иргэний нисэхийн дүрэм 71-д заасан хязгаарлалтай, аюултай бүс, хориотой бүсэд дроны нислэг үйлдэхийг хориглоно.Жишээлбэл, Их тэнгэрийн ам, Төрийн ордон, Тагнуулын ерөнхий газар, Төв цэнгэлдэх хүрээлэн, цэргийн ангиуд,  хүн ихээр цугларсан газарт дрон нисгэхийг хориглодог. Нисэхийн аюулгүй байдал болон аюулгүйн хамгаалалт, үндэсний аюулгүйн хамгаалалт, нийтийн ашиг сонирхлын бусад шалтгаанаар агаарын хөлгийн үйл ажиллагаанд хязгаарлалт хийх шаардлагатай үед тусгай зориулалтаар ашиглах агаарын зайг тогтоодог. Тусгай зориулалтаар ашиглах агаарын зайд хязгаарлалттай бүс, цэргийн үйл ажиллагааны бүс, радио нэвтрүүлэг шаардлагатай зоон, галт уулын аюулын зоон, аюултай бүс болон нам өндрийн нислэгийн зоон багтана.Эдгээр нь төрийн нууц, агаарын хөлгийн аюулгүй ажиллагаа, хувь хүнд хохирол учруулахаас сэргийлж байгаа үйлдэл юм. Ер нь олон нийтийн эрх ашигтай холбоотой буюу ямар нэгэн хувь хүн байгууллагад хохирол учруулахаас сэргийлэх зорилгоор дрон нисгэх тусгай зөвшөөрөл өгдөг.ИНЕГ-ын зүгээс алсын удирдлагатай агаарын хөлгийг бүртгэж, Иргэний нисэхийн тухай хууль, дүрмийн хүрээнд хяналт тавьж ажилладаг. Дрон буюу алсын удирдлагатай агаарын хөлөг бүр нь зөвшөөрөлтэй үйлдвэрт үйлдвэрлэгдсэн тохиолдолд бүртгэл буюу серийн дугаар олгогддог. Тухайн дугаарыг иргэн, аж ахуйн нэгж байгууллага ИНЕГ-т заавал бүртгүүлсэн байх шаардлагатай байдаг юм.

Эх сурвалж: "Зууны мэдээ" сонин 2021.10.19 МЯГМАР № 205 (6682)

ФОТО:

Сэдвүүд :
ХОЛБООТОЙ МЭДЭЭ
Аж үйлдвэр, эрдэс баялгийн яам: Улсын хэмжээнд шатахууны нөөц болон импортын үйл ажиллагаа хэвийн үргэлжилж байна
Дунд гол дагуу 11.1 км урт талбайг цэвэрлэж, 68.3 тонн хог хаягдлыг төвлөрсөн хогийн цэгт хүргүүлэв
Нийтийн эзэмшлийн 28 байршилд төлбөртэй зогсоол барих ажил үргэлжилж байна
Ашиглалтын шаардлага хангахгүй нийтийн зориулалттай орон сууцыг буулгаж, шинээр 108 айлын орон сууц барьж байна
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.

Сэтгэгдэл үлдээх
  • Цагаар
  • Таалагдсан
  • Цагаар
    • Цагаар
    • Таалагдсан

Сэтгэгдэл байхгүй байна.
ШУУРХАЙ МЭДЭЭ
12 цагийн өмнө өмнө

Аж үйлдвэр, эрдэс баялгийн яам: Улсын хэмжээнд шатахууны нөөц болон импортын үйл ажиллагаа хэвийн үргэлжилж байна

13 цагийн өмнө өмнө

Увс аймгийн түүхт 100 жилийн ойн баяр наадамд УИХ-ын дарга Д.Амарбаясгалангийн мэндчилгээг танилцууллаа

13 цагийн өмнө өмнө

Найруулагч Жеймс Камероны "Аватар: Гал ба үнс" киноны трэйлер цацагдлаа

13 цагийн өмнө өмнө

Дунд гол дагуу 11.1 км урт талбайг цэвэрлэж, 68.3 тонн хог хаягдлыг төвлөрсөн хогийн цэгт хүргүүлэв

13 цагийн өмнө өмнө

Нийтийн эзэмшлийн 28 байршилд төлбөртэй зогсоол барих ажил үргэлжилж байна

17 цагийн өмнө өмнө

The MongolZ-ын залуус Team Vitality багтай өнөөдөр 22:00 цагаас тоглоно

17 цагийн өмнө өмнө

Н.Номтойбаяр: Бөх байлах гэж бэл бэнчингээрээ бусадтай уралдсангүй

18 цагийн өмнө өмнө

Ашиглалтын шаардлага хангахгүй нийтийн зориулалттай орон сууцыг буулгаж, шинээр 108 айлын орон сууц барьж байна

18 цагийн өмнө өмнө

“Токи аппликейшн дэх зээлийн эрхийг нь нэмэгдүүлнэ хэмээн залилжээ”

18 цагийн өмнө өмнө

Хамтран зээлдэгч гэж хэн бэ

18 цагийн өмнө өмнө

АН-аас Ерөнхийлөгчид горилогчдын “жагсаалт”-аас З.Энхболд хасагдав уу?

18 цагийн өмнө өмнө

Хангайн бүсийн нөхөн сонгуульд хэн хэн нэр дэвших вэ?

18 цагийн өмнө өмнө

“Эрдэнэс Тавантолгой” нүүрсээ шууд гэрээгээр арилждаг болох уу?

18 цагийн өмнө өмнө

Увс аймгийн ИТХ-ын хуралдааны танхимд Үндсэн хуулийг заллаа

18 цагийн өмнө өмнө

Өнөөдөр Дашнямтай билэгт сайн өдөр

18 цагийн өмнө өмнө

Бороо орохгүй, өдөртөө 24-26 хэм дулаан байна

1 өдрийн өмнө өмнө

Түүхт 100 жилийнхээ ойтой золгож буй Увс аймгийг Сүхбаатарын одонгоор шагналаа

1 өдрийн өмнө өмнө

Дуучин С.Жавхланд Ардын жүжигчин, Дархан аварга Н.Батсуурьд Гавьяат тамирчин цол хүртээлээ

1 өдрийн өмнө өмнө

Төр, нийгмийн зүтгэлтэн Ю.Цэдэнбалын хөшөөнд хүндэтгэл үзүүллээ

1 өдрийн өмнө өмнө

Албан тушаалтанд хариуцлага тооцлоо

1 өдрийн өмнө өмнө

Н.Энх-Амгалан: Мөрийтэй тоглоомыг хориглосон хууль хэрэгжиж эхэлснээр цахим сайтуудын тоо 90 хувиар буурсан

1 өдрийн өмнө өмнө

Дамбадаржаа дулааны цахилгаан станцын барилга угсралтын ажил 20 хувьтай үргэлжилж байна

1 өдрийн өмнө өмнө

Төв аймгийн Лүн сумын цахилгаан хангамжийг сэргээлээ

1 өдрийн өмнө өмнө

Тусгай замын автобус төслийн ТЭЗҮ-ийн ажлын даалгавар боловсруулж байна

1 өдрийн өмнө өмнө

Монголын жүдочид 11 медальтайгаар Улаанбаатарын их дуулгыг өндөрлүүллээ

1 өдрийн өмнө өмнө

The MongolZ баг "IEM Cologne 2025" тэмцээний шигшээ шатанд шалгарлаа

1 өдрийн өмнө өмнө

“Тойргийн 15 тэрбум”-аар тогтолцоогоо солих уу?!

1 өдрийн өмнө өмнө

Монгол Улсын Ерөнхийлөгч “Алт-3” аяныг хэрэгжүүлэх УИХ-ын тогтоолд хэсэгчилсэн хориг тавилаа

1 өдрийн өмнө өмнө

Г.Занданшатар: Оюун санаа нь хүчирхэг өв уламжлалтай үндэстэн сэргэн манддаг

1 өдрийн өмнө өмнө

Ерөнхий сайд “Чойр-Мандалговь-Арвайхээр” төслийн Арвайхээрийн хоёр түвшний уулзвар бүхий автозамын бүтээн байгуулалттай танилцлаа

САНАЛ БОЛГОХ
2025-07-25 өмнө

116 айлын гэр нурж, хашаа, байшингийн дээвэр хууларсан зэрэг дуудлага, мэдээлэл бүртгэгдлээ

2025-07-25 өмнө

Хан-Уул дүүргийн 20 дугаар хороонд 100 ортой цэцэрлэгийн барилга угсралтын ажил 85 хувьтай үргэлжилж байна

2025-07-24 өмнө

Газарчны уулзвараас "Цайз 16"-ийн уулзвар хүртэлх авто замыг хааж, шинэчилнэ

2025-07-24 өмнө

Нисдэг тэргээр алба хаагчдыг түймрийн голомтод хүргэлээ

2025-07-25 өмнө

Хот, нийтийн аж ахуйн салбарын парк шинэчлэлтийн хүрээнд CAT олон үйлдэлтэй бага оврын 10 ширхэг ачигч машиныг хүлээн авлаа

2025-07-25 өмнө

“…Ухаахудагаас хувь хүртэх үү, Ухаахудагийг хувьд үлдээх үү” гэдгийг УИХ-ын 11 гишүүн шийднэ

2025-07-24 өмнө

Газрын ховор элемент ба өрсөлдөөн

2025-07-25 өмнө

Нэгдүгээр тойрог замын гүйцэтгэгчийг шалгаруулах нээлттэй тендерийг ирэх сард зарлана

2025-07-25 өмнө

Эмомали Рахмон: Монгол Улсын Ерөнхийлөгчийн энэ айлчлал харилцаа, хамтын ажиллагааг урагшлуулахад жинтэй хувь нэмэр оруулна гэдэгт итгэлтэй байна

2025-07-24 өмнө

ТЭЗҮ-ийг холбогдох яамдын мэргэжлийн зөвлөлөөр батлууллаа

2025-07-24 өмнө

Тэмээтэй хөшөөний уулзвараас Зайсангийн гүүр хүртэлх авто замыг хааж, шинэчилнэ

2025-07-24 өмнө

Н.Отгонбаяр: Ногоон байгууламж хариуцсан ажилчдын цалинг 3-3.5 сая төгрөг болгоно

2025-07-24 өмнө

Гэр бүлийн хүчирхийллийн улмаас гэрлэлт цуцлуулах нэхэмжлэл гаргасан бол...

2025-07-24 өмнө

Намьянжугийн гудамжнаас Халдвартын эцэс хүртэлх замыг хааж, шинэчилнэ

2025-07-24 өмнө

Э.Т, Ц.С, Л.А нарыг яллагдагчаар татсан байна

2025-07-25 өмнө

Зургаан цагаан мэнгэтэй хөхөгчин хонь өдөр

2025-07-24 өмнө

Саппорогийн уулзвараас Баруун 4 зам хүртэлх явган замыг шинэчлэх ажил үргэлжилж байна

2025-07-25 өмнө

Туулын хурдны замын газар чөлөөлөлтөд 115 нэгж талбараас өнөөдрийн байдлаар 15 нэгж талбарт газар дүйцүүлэн олгоод байна

2025-07-25 өмнө

Улаанбаатар Амазонс багийн эмэгтэйчүүд Францын Орлейнс багтай хасагдах шатанд тоглоно

2025-07-25 өмнө

У.Хүрэлсүхэд Тажикистан Улсын Мажлиси Намояндогон-ы дарга Идизода Файзали бараалхлаа

2025-07-25 өмнө

Тажикистан-Монголын анхны бизнес форум боллоо

2025-07-25 өмнө

Жүдо бөхийн Улаанбаатарын “Их дуулга” тэмцээн өнөөдөр эхэлнэ

2025-07-25 өмнө

У.Хүрэлсүх: “Чингис хаан” үндэсний музей болон Тажикистан Улсын Үндэсний музей соёлын өвийг судлан хамгаалах, түгээн дэлгэрүүлэх хамтын ажиллагааны үндсийг тавьсанд сэтгэл хангалуун байна

2025-07-24 өмнө

“FIBA 3x3 Jakarta” тэмцээнд Монгол Улсыг төлөөлж хоёр баг өрсөлдөнө

2025-07-25 өмнө

Бороо орохгүй, өдөртөө 21-23 хэм дулаан байна

2025-07-24 өмнө

У.Хүрэлсүх, Бүгд Найрамдах Тажикистан Улсын Ерөнхийлөгч Эмомали Рахмон нар албан ёсны хэлэлцээ хийлээ

2025-07-24 өмнө

“FIBA 3x3 Jakarta” тэмцээнд Монгол Улсын шигшээ баг хасагдлаа

2025-07-24 өмнө

COP17 бага хуралд гадаадын 7-10 мянган зочин, төлөөлөгч оролцоно гэж төлөвлөжээ

2025-07-23 өмнө

Орон сууцны санхүүжилтийн тусгайлсан банк байгуулна

2025-07-24 өмнө

Монгол Улсын Ерөнхийлөгч У.Хүрэлсүхийг албан ёсоор угтлаа

Бидний тухай Редакцийн бодлого Сурталчилгаа байршуулах Холбоо барих Дээшээ буцах


Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.

Copyright © MMINFO.MN All Rights Reserved. Powered by HUREEMEDIA.