Коронавирусийн нөхцөл байдлын талаар ЭМЯ, ХӨСҮТ-өөс танилцууллаа. 

ХӨСҮТ-ийн Тандалт, судалгааны албаны дарга А.Амбасэлмаа "Арванхоёрдугаар сарын 1-нд нийт 12015  хүнд PCR шинжилгээ хийсэн. 259 хүний хавьтлын шинжилгээ орсноос 11 хүний шинжилгээнд коронавирус илэрсэн.

Зургаан аймаг нийслэл Улаанбаатар хотод халдварын голомтыг илрүүлэх, тандалт судалгаа хийх, голомтыг хумих ажлыг тасралтгүй зохион байгуулж байна.

Улаанбаатар хотод 6 тохиолдол шинээр бүртгэгдсэн. Энэ нь сүүлийн батлагдсан тохиолдлын ойрын хавьтал буюу гэр бүл, ажлын хүмүүсээс илэрсэн байна.

Сэлэнгэ аймагт 3 тохиолдол шинээр бүртгэгдсэн, ойрын хавьтлаас илэрсэн. Говьсүмбэр аймагт нэг тохиолдол шинээр илэрсэн.Орхон аймагт 2 тохиолдол бүртгэгдсэн. Ажиглан тусгаарлах байранд байсан ойрын хавьтлаас халдвар илэрсэн.

Улсын хэмжээнд голомтлон гараад байгаа хэсэгт нийтдээ 369 тохиолдол бүртгэгдсэн. Нийт өссөн дүнгээр хэлбэл, 

Улаанбаатарт 90

Сэлэнгэ аймагт 183

Орхон аймагт 24

Дархан-Уул аймагт 44

Дорноговь аймагт 21

Говьсүмбэр аймагт 4

Арханхагй аймагт 3

Монгол Улсад коронавирусийн батлагдсан нийт тохиолдол 812, эдгэрсэн 358 байна.

Цэргийн төв эмнэлэг болон ХӨСҮТ-д нийтдээ онош батлагдсан 445 хүн эмчлүүлж байгаа.

Онош батлагдан эмчилгээ хийж байгаа иргэдийн биеийн байдлыг эрэмбэлэх юм бол маш хүнд  3,  хүнд5 хүндэвтэр 77, хөнгөн 360 хүн байна

Батлагдсан тохиолдлын илрүүлгийг хийхэд 71 хувь нь анхны шинжилгээ, 26 хувь нь хоёр  дахь шинжилгээгээр онош батлагдаж байна. Халдварын нууц үе 1-14 хоногт бүгд онош батлагдаж байна” гэв.