"Диснэй" болон Скарлетт Йоханссон нар тохиролцоонд хүрлээ
Холливуудын A-Lister жүжигчин бүсгүй, "Black Widow" киног эзэмшигч "Диснэй" компаниудын хооронд санхүүгийн үл ойлголцол үүсч, Скарлетт Йоханссон Диснэйг шүүхэд өгөөд (өнгөрсөн 7-р сард) байсан юм. Учир нь Скартай хийсэн гэрээнд кинонд тоглосны цалин болгож 20 сая доллар төлөх, мөн "Black Widow" киног 90-120 хоногийн хугацаанд зөвхөн кино театрт гаргаж, театрын борлуулсан тасалбарын мөнгөн дүнгээс жүжигчин бүсгүйд урамшуулал очих ёстой байж. Гэвч киног бүтээгчид "Disney+" платформоор хүмүүст үзүүлж эхэлсэн нь тасалбар борлуулалтыг багасгаж, Скарлетт Йоханссонд очих урамшууллын хувийг бууруулсан гэж жүжигчин бүсгүй үзэн, гомдол мэдүүлсэн байна. "Диснэй" компаниас энэ үйлдлээ цар тахлын үед авч хэрэгжүүлсэн, зайлшгүй алхам хэмээн тайлбарласан. Энэ мэт үл ойлголцол, маргаан 2 сар гаруй үргэлжилсний эцэст талууд тохиролцоонд хүрсэн байна.
Тохиролцсон мөнгөн дүнг олон нийтэд дэлгээгүй ч, талууд хэн хэн нь сэтгэл хангалуун үлдсэн гэнэ.
Скарлетт Йоханссон өнөөдөр өгсөн ярилцлагатаа: "Диснэй компанитай тохиролцоонд хүрсэндээ баяртай байна. Би тэдэнтэй хамтарч ажилласан он жилүүдээрээ маш их бахархдаг. Цаашдаа ч илүү урт хугацаанд, олон төсөл дээр хамтран ажиллана гэдэгтээ итгэлтэй байна" хэмээн ярьжээ.
Нөгөө талд "Диснэй" компанийн контент хариуцсан захирал Алан Бергман: Скарлетт Йоханссон "Диснэй" нарын дунд байсан үл ойлголцлоо нэг тийш болгож чадсандаа баяртай байна. Түүний Марвелын ертөнцөд оруулсан хувь нэмрийг бид өндрөөр үнэлдэг. Цаашдаа ч түүнтэй хамтран ажиллах зорилго, сонирхол бидэнд бий" хэмээн өгүүлжээ.
Талуудын тохиролцсон мөнгөн дүнг нууцалж байгаа ч зарим эх сурвалжуудын таамаглаж буйгаар "Диснэй" жүжигчин бүсгүйд 40-50 сая долларын нөхөн олговор олгож байж магадгүй гэнэ.
Эх сурвалж: facebook.com/MovieboxOfficialPage
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
Сэтгэгдэл байхгүй байна.