Үндэсний агаарын тээвэрлэгч МИАТ ТӨХК нь Улсын Онцгой комиссын шийдвэрийн дагуу тусгай үүргийн нислэгүүдийг амжилттай гүйцэтгэсээр байна. 2020 оны 9-р сарын 23-ны өдөр 08:36 цагт Унгар улсын Будапешт, Герман улсын Франкфуртаас иргэдээ авчрах тусгай үүргийн нислэг "Буянт-Ухаа" ОУНБ-аас хөөрлөө. Будапешт хот руу хийгдэх энэхүү нислэг нь Унгар улс руу зорчигчтой үйлдэж буй хамгийн анхны нислэг гэдгээрээ онцлог юм. Одоогийн байдлаар үндэсний агаарын тээврийн онгоц маань АНУ-ын Сиатл, Австралийн Сидней, Чехийн Прага хотууд руу анхны шууд нислэгүүдийг амжилттай үйлдэж иргэдээ эх оронд нь авчирсан байна.