Эрүүл мэндийн яамны ээлжит мэдээллээр ХӨСҮТ-ийн захирал Д.Нямхүү дараах мэдээллийг хүргэлээ.

Тэрбээр “Өчигдөр тусгай үүргийн онгоцоор ирсэн иргэдээс нэг хүнээс коронавирусийн халдвар илэрсэн. Тиймээс түүнийг ХӨСҮТ-д тусгаарлан эмчилгээг эхлүүлсэн. Бусад хүмүүсийг ажиглалтын байруудад хуваарилан тусгаарласан. Тэд 21 хоног ажиглалтад байна.

Мөн Бельгиэс гуравдугаар сарын 8-нд ирсэн хүнээс коронавирус илэрсэн бөгөөд түүнийг хот хөдөөгүй гадуур баахан явсан гэх худал мэдээлэл тараасан. Тэр хүний биед коронавирус орчихоод, тэмдэг үлдээгээд гарсан байсан. Тусгаарлалтад байж байгаад, эмчилгээ хийх шаардлагагүй хэмээн гаргасан. Шинж тэмдэг илрэх хугацаа нь хангалттай өнгөрсөн. Ойрын хавьтлын 15 хүнээсшинжилгээ авахад бүгд сөрөг буюу коронавирусгүй гарсан. Тэгэхээр энэ мэдээлэл худлаа. Бид коронавирусийг дотооддоо алдаагүй. Худал мэдээлэл цацсан хүмүүсийг олж  хариуцлага тооцох ёстой” гэв.