Дэлхийн шилдэг рестораныг шалгарууллаа
Рестораны үйл ажиллагаа, үйлчилгээний талаарх мэдээ мэдээлэл нийтлэгддэг “Restaurant” гэх сэтгүүл энэ оны “Дэлхийн шилдэг 50 ресторан”-ыг нэрлэлээ. Улмаар энэхүү жагсаалтыг Италийн “Osteria Francescana” ресторан өнгөлж, ялагчийн цомыг хүртсэн байна. Жил бүр тодруулах энэхүү жагсаалтад Итали улс анх удаагаа тэргүүлж буй нь энэ ажээ.
Харин өнгөрсөн жилийн ялагч Испанийн “El Celler de Can Roca” ресторан энэ удаа хоёрдугаарт бичигдсэн бол гуравдугаарт, Нью-Йоркийн “Eleven Madison Park” нэрлэгдсэн байна. “Osteria Francescana” ресторан Италийн Моденад байрладаг аж. Ахлах тогоочийг нь Массимо Боттура гэдэг бөгөөд уламжлалт хоолны орц найрлагаараа дэлхий дахинаа танигдсан нэгэн гэнэ. Тэрбээр энэ удаа дэлхийн хамгийн алдартай бяслаг Пармезинийг ашиглан хоол хийсэн нь шүүгчдээс өндөр үнэлгээ авч, ийнхүү тэргүүлжээ.
Харин дөрөвдүгээр байрт Данийн “Нома” орж, үргэлжлүүлэн Франц, Испани, Австри, Бельгийн ресторанууд эхний арван байрт шалгарсан байна. Японы Токио хотод байрлах “Нарисава” гэх ресторан энэ удаа наймдугаарт бичигджээ. Шилдэг рестораныг 2002 оноос эхлэн жил бүр шалгаруулж эхэлсэн бөгөөд зөөгч, тогооч, рестораны эзэн, хоолны орц найрлага гэх мэт төрлүүдээр 972 тусгай шүүгч шүүж, шилдгүүдийг тодруулдаг байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
