Английн "Ливерпүүл" клубын хагас хамгаалагч Филиппе Коутиньо "Барселона" руу явахад тун ойрхон байна. Хэдийгээр Юрген Клопп зарахгүй гэж гүрийж байгаа ч хэвлэлүүд наймаа болоход ойрхон байгааг мэдээлсээр. Тэр ч битгий хэл Каталоны баг өдгөө 25 настай бразил эрийг 100 сая еврогоор авч, мягмар гарагт асуудал шийдэгдэх ажээ. 

Мөн Коутиньо "Барса"-тай 5 жилийн гэрээ байгуулах юм байна. Өмнө нь "Барса" 70 сая дээр нэмэх нь 10 гэсэн саналыг хүргүүлээд татгалзсан хариу авсан. Тиймээс энэ удаад 100 саяыг өгөхөөр болжээ. Коутиньо Дублинд болсон "Атлетик" клубтэй хийсэн нөхөрсөг тоглолтод оролцоогүй. Энэ нь "Барса" руу явах болсонтой холбоотой ч байж магадгүй байна.