Багануур дүүрэг дэх Замын цагдаагийн тасгийн алба хаагчдын санаачлагаар “Орон нутгийн зам-Хөдөлгөөний соёл” аяны хүрээнд албаны “IVECO” маркийн автомашиныг тоноглон тохижуулан эргүүл, хяналт шалгалтыг зохион байгуулж эхэлжээ. Уг ажлыг улсын болон орон нутгийн чанартай автозамд гарч байгаа зам тээврийн осол хэргийг бууруулах, үүнээс үүдэлтэй нас баралт, гэмтлийг багасгах, эрдэнэт хүний амь нас, эрүүл мэнд, эд хөрөнгийг гарч болзошгүй эрсдэлээс урьдчилан сэргийлэх зорилгоор хийж байгаа гэнэ. Энэхүү  автомашиныг алба хаагчдийн ажиллах, амрах нөхцлийг бүрэн ханган тохижуулсан бөгөөд гадна талдаа хоёр ширхэг LED гэрэлтэй, 360 градус эргэдэг болон дөрвөн зүг рүү харсан хяналтын камертай юм байна.