Ойрын өдрүүдэд хэт халалт үүссэнээс болж иргэд гол руу явах нь ихэсчээ. Үүнээс болж гол усанд осолдох, улмаар амиа алдах тохиолдол гарах болжээ. Үүнтэй холбогдуулан Баянзүрх дүүргийн онцгой байдлын хэлтсийн бие бүрэлдэхүүн дүүргийнхээ XX хорооны Хар усан тохойгоос Маршлын гүүр хүртэл туул голын эрэг дагуу гол, усны аюулаас урьдчилан сэргийлэх эргүүлт ажлыг зохион байгуулжээ.

 Амарч аялж буй иргэдэд гол усны аюулаас урьдчилан сэргийлэх ухуулга сурталчилгаа хийж, голын дагуу бага насны хүүхдийг хараа хяналттай байлгаж, согтууруулах ундаа хэрэглэхгүй байхыг анхаарууллаа. Мөн иргэдийг  байгаль орчныг бохирдуулахгүй байхыг зөвлөж ажиллажээ.