Пакистаны төв хэсэгт өчигдөр шатахуун тээвэрлэж явсан ачааны автомашин хажуу тийш унаж, улмаар дэлбэрэн гал гарч, хамгийн багадаа 123 хүн нас барж, олон хүн шархаджээ. Осол Исламабад хотоос баруун урагш ойролцоогоор 670 км-т байрлах Ахмедпурын ойролцоо гарсан байна.

Машин нийтдээ дөрвөн тонн шатахууныг Карачи хотоос зүүн хойд хэсэгт орших Пунжаб мужийн Лахорет хүргэхээр явж байхдаа ийн осолдсон байна.

Гэвч, тухайн үед Исламын шашны ариун Рамадан сар дууссаныг хүмүүс тэмдэглэж, зам хөл хөдөлгөөн ихтэй байжээ.

Ослын шалтгааны талаар дэлгэрэнгүй мэдээлэл байхгүй байгаа ч, гэрчүүд ачааны машины дугуй хагарсан гэж ярьсан байна.