Испанийн алдарт “Реал Мадрид” клуб “Монако”-гийн довтлогч Килиан Мбаппег авах оролдлогоо зогсоохгүй гэдгээ мэдэгджээ.  Францын шигшээ баг Английг нөхөрсгөөр 3:2-оор хожсоны дараа “Реал”-ын Ерөнхийлөгч Флорентино Перес түүнтэй уулзаж, ярилцсан талаар мэдээлэл гарсан.

Хэрвээ Мбаппег тэд авч чадвал Гарет Бейлийг явуулахаар төлөвлөж байгаа ажээ. Учир нь Бейл өнгөрсөн улиралд гэмтэлтэй байсаар цөөн хэдэн тоглолтод л оролцсон билээ. Мбаппегийн хувьд өөрөө “Монако”-гаас явахгүй байх талаар бодолцож байгаа аж. Түүний энэ шийдвэр багийн андууд болох Бенжамен Менди болон  Тома Лемар нар багагүй нөлөөлж байгаа гэсэн мэдээлэл ч гараад байна.