Дорноговь аймгийн Засаг дарга Т.Энхтүвшин "Сайншанд салхин парк" компанийн захирал Р.Даваанямтай нийгмийн хариуцлагын хүрээнд хамтран ажиллах санамж бичигт гарын үсэг зурлаа.

Энэ үеэр аймгийн Засаг дарга Т.Энхтүвшин хамтран ажиллах гэрээний хүрээнд төслийн бүтээн байгуулалттай холбоотой болох дэд бүтцийг хөгжүүлэх, орон нутгаас ажлын байрыг бий болгох, орон нутгийн жижиг дунд бизнес эрхлэгчдийг дэмжих, соёлын өвийг хамгаалах, орон нутгийн төсөвт татвараа төлөх үндсэн чиглэлийг баримтлан хамтран ажиллахыг хүссэн байна.

55 МВт хүчин чадал бүхий салхин цахилгаан станц нь Сайншанд, Өргөн, Алтанширээ сумдын уулзвар нутаг дэвсгэрт баригдах бөгөөд барилгын ажил нь энэ оны долдугаар сард эхэлж, 2018 оны сүүлээр ашиглалтад орно.

Салхин цахилгаан станц ашиглалтад орсноор байгаль орчинд ээлтэй эрчим хүчээр үндэсний цахилгааны сүлжээг урт хугацаанд хангах нөхцөл бүрдэх юм байна.