Дорноговь аймгийн Засаг даргын Тамгын газрын Хяналт шинжилгээ, үнэлгээ, дотоод аудитын хэлтээс энэ сарын 23-нд Засаг даргын эрхлэх асуудлын хүрээний хэрэгжүүлэгч агентлагийн дарга, хяналт шинжилгээ, үнэлгээ хариуцсан мэргэжилтнүүдэд “Бодлогын баримт бичиг боловсруулах арга зүй, тайлан мэдээ гаргахад анхаарах зарим асуудлууд”, “Үр дүнд суурилсан хяналт шинжилгээ, үнэлгээний талаархи ойлголт” болон Монгол Улсын Засгийн газрын 2017 оны 89 дүгээр тогтоолоор батлагдсан “Бодлогын баримт бичгийн хэрэгжилт, захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ыг баримтлан тайлан гаргах, хяналт-шинжилгээ, үнэлгээ хийж ажиллах талаар сургалт зохион байгууллаа.

Мөн Дорнговь аймгийн Засаг даргын 2017 оны А/322 дугаар захирамжаар баталсан “Сумдын Засаг даргын Тамгын газар, төсөвт байгууллагуудын үйл ажиллагаанд шалган туслах баг ажиллуулах тухай” удирдамжийн дагуу энэ сарын 08-10-нд Өргөн, Эрдэнэ, Замын-Үүд, Улаанбадрах, Хатанбулаг, Хөвсгөл сумдын төрийн албан хаагчдад дээрх сургалтыг зохион байгуулсан ажээ.

Сургалтад хамрагдаж буй төрийн албан хаагчдаас сургалтын өмнө төлөвлөлт ба хяналт шинжилгээ, үнэлгээний талаар мэдлэг сорих тестийн шалгалт авч, төлөвлөлт болон үр дүнд суурилсан хяналт шинжилгээ, үнэлгээний талаархи ойлголт, мэдлэгийн түвшинг үнэлэн дүгнэлт хийж, мэдлэг мэдээллийг түгээн ажиллалсан байна. Сургалтад тус нийт 220 орчим төрийн албан хаагчид хамрагджээ.