Английн алдарт “Манчестер Юнайтед” клуб өнгөрсөн шөнө Европа лигийн финалд Голландын “Аякс”-ыг 2:0-ээр хожиж, түрүүлсэн билээ. Ингэснээр Английн баг цомын цуглуулгадаа анх удаа Европа лигийн цомыг нэмлээ.

“Улаан чөтгөрүүд” 1968, 1999, 2008 онд Аваргуудын лигт түрүүлж байсан бол 1991 онд Цомтой багуудын цомыг хүртэж байжээ. Тэгвэл тэд Европа лигт түрүүлснээр Европын гурван цомын тэмцээнд түрүү байрт шалгарсан тав дахь баг болж байна.

Өмнө нь “Байерн”, “Ювентус”, “Аякс”, “Челси” клубүүд Аваргуудын лиг, Европа лиг, Цомтой багуудын цомд бүгдэд нь түрүүлсэн амжилтыг үзүүлж байж.