Алдарт “там” болсон Лүнгийн замын эзэн гэгдэх УИХ-ын гишүүн Д.Дамба-Очирыг мэдэхгүй хүн үгүй. Дархан нутгаас УИХ-ын гишүүнээр удаа дараа сонгогдож байсан энэ эрхэм өөрийгөө “Монгол мал” хөтөлбөрийн автор хэмээдэг. Туршлагын хувьд гологдохгүй ч түүний талаар төдийлөн ам сайтай хүн сонгогчид дунд нь ховорхон.

Өнгөрсөн сонгуулиар өвдөг шороодож тун ажин түжин байсан ч 2016 оны сонгуулиар дахин өрсөлдөж ялалт байгуулсан саарал ордондоо эргэн ирсэн билээ. Тэгвэл эрхэм гишүүн байнгын хорооны хуралдаанд согтуу суусан тухай яриа саарал ордонд хэдийнэ гараад амжжээ. Бүр бичлэг ч хүртэл цацагдсан байх аж. Эрхэм гишүүд Төрийн ордонд үе үехэн сархад зооглон морилдог жишиг аль эртнээс л эхлэлтэй. Н.Батбаяр, Л.Эрдэнэчимэг гэх мэтээр энэ жагсаалт үргэлжилнэ.

Саяхан, УИХ-ын гишүүн Б.Ундармаа чуулганы танхимд согтуу байсан тухай яриа гарч байсан бол энэ удаад Д.Дамба-Очир согтуу морилсон бололтой. Одоо эрхэм гишүүн юу хэлэх нь тун сонирхолтой байна. Угаасаа ингэж ярьдаг гэх үү, эсвэл Б.Ундармаа гишүүн шиг архи ууж чаддаггүй гэх болов уу. Уншигч та бичлэгийг үзээд өөрийн дүгнэлтээ хэлэх биз. Төрийн ажлыг энэ мэт эрүүл, согтуу нь мэдэгдэхгүй хүмүүс л хийж байна даа.