Боловсрол суваг телевизээс хоёр дахь жилдээ зохион байгуулж буй "Яг түүн шиг" шоунд тун амжилттай оролцож яваа нэгэн бол "X түц" продакшны жүжигчин Бархүү. Түүний авьяас чадварыг биширсэн шүтэн бишрэгчид нь фэйсбүүк, твиттер хуудаснаа "Яг түүн шиг шоу биш. Харин Бархүүг барах уу гэдэг шоу юм биш үү" хэмээн жиргэцгээж буй.

Тэрбээр бусад оролцогчдоосоо илт давуу байж гурван удаагийн дугаарын ялагч болж тус бүр гурван сая төгрөгийн шагналын эзэн болсон. Тэгвэл авьяаслаг уран бүтээлч маань дуулах ур чадварынхаа талаар "Би хүүхэд байхаасаа л дуулах дуртай байлаа. Тиймээс ч Хүүхдийн ордны дуулаачийн дугуйланд суралцдаг байсан.

Жүжигчин хүн маш их авьяастай байх шаардлагатай. Дуулах бол наад захын асуудал. Би өөрийн цомгоо гаргана" хэмээн ярьжээ. Ямартай ч авьяаслаг уран бүтээлч маань шүтэн бишрэгчиддээ өөрийн шинэхэн цомгоороо бэлэг барих нь бололтой.