Бидний ихэнх нь шатрыг хамгийн уйтгартай спорт гэж боддог. Гэхдээ тэр спорт хүнийг гайхалтай төлөвшүүлж, сахилга батад сургадаг гэдгийг төдийлөн мэддэггүй болов уу. Тэгвэл энэ зураг шатрын спорт ч гэсэн тамирчдын сэтгэлийг хөдөлгөж, адерналин ялгаруулахаас гадна стресстүүлдэг гэдгийн нэг илрэл билээ.

Шатарчид  өдөрт 6-8 цагийг энэ спортоор хичээллэж өнгөрөөдөг гэдэг. Ямар сайндаа л 1984 оны Дэлхийн аварга шалгаруулах шатрын тэмцээнд  Аталолия Карпов Гарри Каспаровын эсрэг тоглохоор оноолт таарсан байдаг. Тэр тэмцээнд бэлтгэхдээ Анатолия бүр 10 кг турж байх вэ дээ. Тэгвэл дэлхийн шилдэг шатарчдын залгамж халаа болсон өсвөрийн нэгэн тамирчны сэтгэл хөдлөлийг гэрэл зурагчин дурандаа ийн буулгажээ.

Дээрх зургийг 2016 оны Чехийн өсвөрийн шатарчдын тэмцээний үеэр авчээ. Тус тэмцээнд ухаанаа сорин өрсөлдөх шатарчин охин дараагийн өргийнхөө өмнө бурхандаа залбирч буй агшныг зурагчин Майкл Ханке энэхүү цуврал баримтат гэрэл зургийнхаа нэгэн хэсэг болгон хөндөн харуулжээ. Тус цуврал зураг Дэлхийн хэвлэлийн шилдэг гэрэл зураг шалгаруулах “World press photo-2017” тэмцээний спортын цуврал гэрэл зургийн төрөлд дэд байр эзэлсэн байна. 60 дахь удаагийн тус тэмцээнд 125 орны 5034 зурагчин 80408 бүтээлээ ирүүлжээ.