Клевлэнд Кавалерс өчигдөр Индиана Пэйсэрсийг 4-0 "шүүрдэж" дараагийн шатанд шалгарсан билээ. Харин өнөөдөр Портлэнд Трэйл Блейзэрс талбай дээрээ Голдэн Стэйт Уорриорсыг хүлээн авч тоглолоо. Хоёр багийн харьцаа 3-0-ээр Уорриорс тэргүүлж байгаа бөгөөд өнөөдөр 128-103 харьцаагаар бутниргэж дараагийн шатанд шалгарлаа. Тус тоглолтын эхний үед 45 оноог Уорриорс авч Плэй оффын түүхэнд дээд амжилтыг тогтоолоо.

ТУс тоглолтод Кэвин Дурант тоглоогүй бөгөөд Стифэн Көрри 45 оноо, 7 самбар, 8 дамжуулалтаар багаа тэргүүлсэн бол Дроумонд Грин 21 оноо, 3 хаалт, Клэй Томпсон 18 оноогоор тусалжээ.  Харин талбайн эздээс Диман Лилард 34 оноогоор багаа тэргүүлж Амино 25 оноог сэлгээнээс авсан бол бусад тоглогчид нь хангалтгүй тоглолоо.