Нарны зам дээр хүн дайрч, амийг нь хөнөөсөн хэрэг гарчээ
Улаанбаатар хотын Замын цагдаагийн газар нийт 353 дуудлага мэдээ мэдээлэл хүлээн авснаас зам тээврийн ослын 273 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 11 бүртгэгдэж, нэг хүний амь нас хохирч 16 хүн хүнд хөнгөн гэмтжээ.
Мөн хүүхэд зам тээврийн осолд өртсөн дөрөв, согтууруулах ундааны зүйл хэрэглэсэн үедээ хөдөлгөөнд оролцсон жолооч нэг, согтуугаар тээврийн хэрэгсэл жолоодсон 53 жолоочийг журамлан гарч болзошгүй осол хэргээс урьдчилан сэргийлсэн байна.
Тухайлбал, Баянгол дүүргийн нутаг Нарны зам, Наранбулаг төвийн урд замд Prius маркийн авто машины жолооч М нь явган зорчигч 53 настай эрэгтэй Я-г мөргөж, амийг нь хөнөөжээ.
Мөн Чингэлтэй дүүргийн нутаг Санзайн зам, Зунжин худалдааны төвийн баруун замд Spacio маркийн авто машины жолооч С нь Landcruicer маркийн Б золоочтой авто машинтай мөргөлдөж, зорчигч зургаан настай эмэгтэй А нарын дөрвөн хүн гэмтсэн байна.
Тиймээс нийт жолооч нарыг анхаарал болгоомжтой замын хөдөлгөөнд оролцохыг ЗЦГ-аас анхааруулж байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
Сэтгэгдэл байхгүй байна.