Африкийн Бурунди улсын эрх баригч “CNND-FDD” намын залуучуудын байгууллагын гишүүд сөрөг хүчний эмэгтэйчүүдийг “жирэмслүүлнэ” гэх зэргээр эрээ цээргүй ярьж, сүрдүүлж буй бичлэг сошиал сүлжээнд тархаж, олны анхаарлыг татаж эхэллээ.

Мөн бичлэг ямар нэг эвлүүлэг ороогүй жинхэнэ гэдгийг ч албаныхан баталсан байна. Тус бичлэгт намын залуучуудын байгууллагын гишүүд армийн цэргүүд шиг эгнэн зогсож, “сөрөг хүчний бүсгүйчүүдийг жирэмслүүлнэ” гэх зэргээр дуулж буй байдал дүрслэгджээ.

CNND-FDD нам интернэтэд цацагдсан тэрхүү бичлэгийг  сөрөг хүчнээс цацсан эвлүүлэг мэтээр тайлбарлаж байсан юм. Гэсэн ч, бичлэг өчигдрөөс хойш илэрцгүй болжээ. Намын лидер нь мэдэгдэл хийж, “Залуус маань CNND-FDD намын ёс суртахуун, үзэл сурталд нийцэхгүй дуу дуулсанд харамсаж байна” гэжээ.