Таван цагдаа нийлж нэг иргэнийг зодож, хүнд гэмтээсэн хэрэг өнгөрсөн сарын 24-25-нд шилжих шөнө гарсан талаар хэвлэл мэдээллийн хэрэгслээр гарсан билээ. Тодруулбал, “Formula F1” авто угаалгын газар ажиллуулдаг иргэн М-ийг согтуу байхад нь цагдаагийн албан хаагчийн өмнөөс хэрэлдсэн гэх шалтгаанаар зодсон тухай мэдээлэл бий.

Тэгвэл тэдгээр албан хаагчдыг цагдан хорьж, шалгаж байгаа ажээ. Энэ талаар Хууль зүйн сайд С.Бямбацогт өөрийн твиттер хуудсаар дамжуулан мэдээллээ. Тэрбээр “Хүн зодсон цагдаагийн албан хаагчдыг шалгаж эхэлсэн, хуулийн хариуцлага тооцно” хэмээн жиргэсэн байна.