Холливудын нэрт жүжигчин Майкл Китон Диснейн бүтээл “Дамбо” киноны эсрэг дүрийг бүтээж магадгүй байгаа тухай “Варьети” сэтгүүл мэдээлжээ. “Дамбо” киног найруулагч Тим Бартон бүтээхээр төлөвлөж буй бөгөөд Колен Фаррел, Эва Грийн, Дэнни Де Вито нарын жүжигчид тоглох юм.

Дэннигийн хувьд циркийн эзэмшигчийн дүрийг бүтээх аж. Найруулагчийн сэтгүүлд ярьснаар Майкл Дамбо болон түүний ээжийг ашиглан ашиг олохын тулд циркид зардаг  залуугийн дүрд тоглож магадгүй гэнэ. Одоогоор санал тавьж, харилцан ярилцаж буй тухай сэтгүүлд нийтлэгджээ. Хэрэв тэд хамтрахаар болвол Майкл найруулагч Бартонтой 1989 оны “Бэтмэн”, 1992 оны “Бэтмэн иргэн ирсэн” нь кинонд хамтран ажилласнаас хойш 20 гаруй жилийн дараа дахин гар нийлэх юм.