“Монгол Хьюндай” эмнэлгийн хамт олон эрүүл мэндийн тусламж, үйлчилгээнийхээ хүртээмжийг нэмэгдүүлэх хүрээнд сар бүр алслагдсан дүүрэг буюу хөдөө олон нутагт очиж үнэ төлбөргүй үзлэг оношилгоо хийдэг уламжлалтай. Өнгөрсөн 1 дүгээр сард нийслэлийн Багануур дүүрэгт хийсэн бол энэ удаад Сэлэнгэ аймгийн Мандал сумын Нэгдсэн эмнэлэгтэй хамтран тус сумын иргэдэд үзлэг оношилгоо хийх арга хэмжээг зохион байгуулж байна.
