Нэгдүгээр эмнэлгийн ТУЗ-д олон нийтийн төлөөлөл сонгон шалгаруулна

Нэгдүгээр эмнэлгийн ТУЗ-д олон нийтийн төлөөлөл сонгон шалгаруулна

Улсын нэгдүгээр төв эмнэлгийн ТУЗ-ийн олон нийтийн гурван төлөөллийг сонгох сонгон шалгаруулалт зарлажээ. Олон нийтийг төлөөлөх гурван гишүүнийг дор дурьдсан ТББ, мэргэжлийн, нийгэмлэг, холбоо, мэргэжлийн салбар зөвлөлөөс тус бүр нэг төлөөллийг тус тусад нь сонгон шалгаруулна. Үүнд:

  • Даатгуулагчийн олонхийн эрх, хууль ёсны ашиг сонирхлыг хамгаалсан байгууллага;
  • Эрүүл мэндийн чиглэлээр үйл ажиллагаа явуулдаг төрийн бус байгууллага;
  • Эрүүл мэндийн мэргэжлийн нийгэмлэг, холбоо, мэргэжлийн салбар зөвлөл; Дээрх гурван төлөөллийн сонгон шалгаруулалтад оролцогч бүр нь Эмнэлгийн тусламж, үйлчилгээний тухай хуулийн 15 дугаар зүйлийн 15.26-д заасан санхүүгийн болон туршлагын дараах шаардлагыг хангасан байна.

Сүүлийн нэг жилийн хугацаанд тасралтгүй үйл ажиллагаа явуулсан байх /Байгууллагын гэрчилгээний хуулбар, Даатгуулагчийн олонхийн эрх, хууль ёсны ашиг сонирхлыг хамгаалах чиглэлээр, Эрүүл мэндийн чиглэлээр, Эрүүл мэндийн мэргэжлийн нийгэмлэг, холбоо, мэргэжлийн салбар, зөвлөлийн болон байгууллагын дэлгэрэнгүй танилцуулгыг ирүүлэх, мөн үйл ажиллагааны болон санхүүгийн тайланг сүүлийн нэг жилээр, нотлох баримтын хамт дэлгэрэнгүй мэдээлэлтэй ирүүлэх /

Тухайн эмнэлэгтэй ашиг сонирхлын зөрчилгүй байх / Улсын нэгдүгээр төв эмнэлгээс тухайн эмнэлэгтэйашиг сонирхлын зөрчилгүй талаархтодорхойлолт гаргуулж, ирүүлэх /

Санхүүгийн зөрчилгүй байх /Татварын байгууллагын тодорхойлолт, шүүхийн нэгдсэн архивын лавлагаа, шүүхийн шийдвэр гүйцэтгэх байгууллагын тодорхойлолт, нийгмийн даатгалын байгууллагын тодорхойлолт /

Сонгон шалгаруулалтад оролцогч нь материалыг 2020 оны 01 дүгээр сарын 21-ний өдрийн 17 цаг 30 минутаас өмнө Эрүүл мэндийн яамны бичиг хэргээр дамжуулан өгнө. Сонирхсон этгээд сонгон шалгаруулалттай холбоотой мэдээллийг доорх хаягаар авч болно.

Засгийн газрын VIII байр, Олимпийн гудамж-2, Сүхбаатар дүүрэг, Улаанбаатар хот 14210, Монгол Улс, Эрүүл мэндийн яам, Хуулийн хэлтэс. Утас: 261845

ЭХ СУРВАЛЖ: ЭРҮҮЛ МЭНДИЙН ЯАМ

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.