З.Энхболд Уралын холбооны сургуулийн төлөөлөгчдийг хүлээн авч уулзав

З.Энхболд Уралын холбооны сургуулийн төлөөлөгчдийг хүлээн авч уулзав

Монгол Улсын Ерөнхийлөгчийн Тамгын газрын дарга З.Энхболд өнөөдөр Халхын голын 80 жилийн ойг тэмдэглэн өнгөрүүлэх арга хэмжээний хүрээнд Улаанбаатар хотод хүрэлцэн ирсэн Уралын холбооны сургуулийн ректор В.А.Кокшаров, сургуулийн нэгдүгээр проректор С.В.Кортов нарын төлөөлөгчдийг хүлээн авч уулзлаа.

Сургуулийн төлөөлөгчид нь ОХУ, тэр дундаа Уралын холбооны сургуулийг төгссөн мэргэжилтнүүдийг дахин сургах, мэргэжил дээшлүүлэхэд анхаарал хандуулан ажиллаж буйгаа хэлсэн юм. Жишээ нь, ОХУ-д төгссөн, “ТЭЦ-4” гэх мэт томоохон үйлдвэрт ажилладаг мэргэжилтнүүдийг техникийн шинэчлэлт, өөрчлөлттэй нь уялдуулан сургах, мэргэжил дээшлүүлэх бүрэн боломжтой бөгөөд ажил хэрэг болгох эрмэлзэлтэй байгаа гэсэн юм. Энэхүү саналыг Монгол Улсын Ерөнхийлөгчийн Тамгын газрын дарга З.Энхболд дэмжиж буйгаа илэрхийлж, Эрдэнэт үйлдвэрээс гарч буй хаягдал буюу элсний хуримтлалаас үүссэн цагаан тоосыг дарах зэрэг томоохон асуудалд анхаарч, техникийн шийдэл олж өгөхийг хүссэн юм.

Мөн уулзалтаар талууд Орос хэлийг гадаадад заах сан болоод ОХУ-д суралцах монгол оюутнуудын орос хэлний боловсролыг дээшлүүлэх асуудлаар хэрхэн хамтран ажиллах талаар ярилцлаа.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.