Өнөөдөр нутгийн зарим хэсгээр, маргааш ихэнх нутгаар аагим халуун болох тул хуурайшилт болон наршилтаас сэрэмжтэй байхыг онцгойлон анхааруулж байна.

Тодруулбал, өнөөдөр +30 хэм байх бол маргааш +31, энэ долоо хоногийг дуустал +32 хэм хүрч халах төлөвтэй байгаа тул өндөр настан болон бага насны хүүхдийг наршихаас сэргийлж,  нарны шил, малгайг тогтмол өмсүүлэх, зүрх судасны өвчтэй болон даралттай хүмүүс болгоомжтой байх шаардлагатайг нийт ард иргэдэд сэрэмжлүүлж байна.

Хэт халуунаас эрүүл мэндээ хамгаалахын тулд шингэн зүйл, тэр дундаа ус их уух, биеийн дулааныг хэвийн хэмжээнд хадгалах хувцас өмсөх, гараа хүйтэн усанд дүрэх, цонхныхоо ойролцоо сэнс ажиллуулах, хүйтэн гэхээсээ илүү бүлээн шүршүүрт орох, биеийн бусад хэсгээс илүү нүүрээ сэвүүрээр сэрүүцүүлэх хэрэгтэйг мөн зөвлөж байна.