Шотландын “Селтик” клубын довтлогч Мусса Дембелег “Челси” авахаар сонирхож байсан хэдий ч энэ наймаа бүтсэнгүй. GFFN мэдээлснээр бол “Челси” түүний төлөө 35 сая фунт стерлинг төлөхөөр санал тавьсан ч “Селтик” зөвшөөрөөгүй юм байна.

Нөгөө талаар “Селтик” 5 саяыг нэмж нэхсэн гэсэн мэдээлэл бас байгаа юм. Тэгээд ч хоёр баг хоорондоо хэлэлцэж, энэ өвлийн солилцооны цонхоор наймаа хийгдэхгүй гэдэг дээр тохирсон бололтой. Тиймээс энэ наймаа ирэх зун болох магадлалтай байна.

Франц хөлбөмбөгч энэ улиралд “Селтик”-ын төлөө 38 тоглолтод оролцож, 20 гоол оруулж, таван гоолын дамжуулалт өгсөн ажээ.