UBS телевизээс зохион байгуулсан “Universe best songs” уралдааны шилдэг ялагчдаас урлагийн салбарт тун амжилттай хөл тавьсан нэгэн бол дуучин Ч.Цэлмүүн. Урлагийн амьдралд хөл тавиад тун удаагүй байхдаа сүр дуулиантайхан хуримаа хийж, хүүхэдтэй болсон ч түүний энэ амьдрал удаан үргэлжлэлгүй цэг тавьсан.

Нөхрөөсөө салаад хоёр жил гаруй ганц бие явсан дуучин бүсгүй шинэ хайр дурлалтайгаа учирсан бололтой. Учир нь шинэхэн хосуудын зураг фэйсбүүк хуудаснаа тарж, олны анхаарлыг ихэд татаж байна. Дуучин бүсгүйн энэхүү үйлдэлд зарим шүтэн бишрэгчид нь тун шүүмжлэлтэй хандаж байгаагаа цахим хуудсаараа дамжуулан илэрхийлж байгаа юм.

Харин дуучин Ч.Цэлмүүн нөхрийнхөө талаар нэгэн хэвлэлд өгсөн ярилцлагадаа "Өрх толгойлсон эмэгтэй болоод хоёр жил гаруй болж байна. Хүүгээ хөхнөөс гаргаагүй байхад л нөхрөөсөө салсан. Анх удаа хувийн амьдралынхаа тухай хэвлэл мэдээллийн хэрэгслээр ярьж байгаа минь энэ.

Нэгэн цагт ханилж явсан хүнээ би хэзээ ч муу хэлэхгүй. Хэн нэгэн надад тэр хүнийг муулж ярихыг ч тэвчихгүй. Тэр маань өөрийнхөө хүчээр амьдралаа босгож яваа мундаг залуу" хэмээн ярьсан байдаг. Ямартай ч дуучин бүсгүй шинэхэн хайр дурлалтай учирсан бололтой.