БНХАУ-ын өмнөд хэсгийн Гуанси Жуангийн автономит районд өчигдөр хутгаар зэвсэглэсэн эрэгтэй хүүхдийн цэцэрлэг рүү халдаж, 11 бяцхан хүүхдийг гэмтээсэн хэрэг гарчээ. Одоогоор гурван хүүхдийн биеийн байдал туйлын хүнд байгаа гэнэ. Орон нутгийн цагдаагийн газрын мэдээлснээр гэмт этгээд хүүгээ авахаар ирсэн гэж хэлээд цэцэрлэг рүү нэвтэрсэн байжээ.

Түүнийг цагдаа нар саатуулсан байна. БНХАУ-д хутгаар зэвсэглэн халдлага үйлдсэн тохиолдол нэлээд гарах нь бий. Өнгөрсөн жилийн хоёрдугаар сард гэхэд л Хайнан мужийн Хайкоуд хутгатай эр бага сургууль руу нэвтэрч, 10 хүүхэд гэмтээснийхээ дараа амиа хорлосон хэрэг мөн гарч байсан удаатай.