Өчигдөр Анкара хотод   ОХУ-ын Элчин сайд Андрей Карловыг зургийн үзэсгэлэнгийн нээлтэд оролцож, үг хэлж байхад нь гэмт этгээд буудаж хөнөөсөн хэрэг гарсан билээ. Тэгвэл ОХУ-ын Ерөнхийлөгч Владимир Путин энэ асуудалтай холбоотойгоор шуурхай мэдэгдэл хийжээ.

Тэрбээр “Энэ бол гэмт хэрэг. Орос-Туркийн харилцаа хэвийн байх үед саармагжуулах гэсэн, гадны өдөөн хатгалга. Сири, Орос, Турк, Ираны дотоод энх тайван байдалд шууд заналхийлж байгаа илт дайралт мөн.  Энэ гэмт хэрэг нь алан хядагчдын эсрэг тэмцлийг улам бэхжүүлэх болно” гэжээ.

Путин үүний дараа ОХУ-ын Гадаад хэргийн сайд Сергей Лавров, ОХУ-ын Үндэсний Аюулгүй байдлын зөвлөлийг хуралдуулсан байна. Владимир Путин мэдэгдэл хийх үедээ асар их стресстэж, нэлээд бухимдалтай байсан аж.