Туркийн нийслэл Анкара хотод нээгдсэн уран зургийн үзэсгэлэнгийн танхимд ОХУ-аас Туркид суух онц бөгөөд бүрэн эрхт Элчин сайд Андрей Карловын биед цагдаагийн нэгэн ажилтан халдаж, буудан хөнөөжээ.

Хэрэгтэн хүний амь бүрэлгэснийхээ дараа  “Алеппо”, “Аллах хамгийн агуу” гэх зэргээр хашгирч байсан гэнэ. Элчин сайд Андрей Карлов даваа гарагт уран зургийн галерейд гэрэл зургийн үзэсгэлэнгийн нээлтийн ёслолд оролцон  үг хэлж байх үед гэмт этгээд түүнийг араас нь бууджээ.

Гэмт этгээд тухайн үед костюм, зангиатай байсан аж. Цагдаа нар гэмт этгээдийг хэргийн газарт буудан устгасан байна. Гэмт хэрэгтний хувьд  2.5 жилийн өмнөөс Туркийн нийслэл Анкара хотын цагдаагийн газарт ажиллаж эхэлсэн байна. Атлинтас 1994 оны зургадугаар сарын 24-нд Туркийн баруун нутгийн Айдын мужид төржээ. 

Чухам ямар шалтгаанаар Элчин сайдын амь насыг бүрэлгэсэн нь тодорхойгүй байна. Андрей Геннадьевич Карлов 2013 оны долдугаар сараас хойш Туркэд суугаа ОХУ-ын Элчин сайдаар ажиллаж байжээ.

Бичлэгийг ЭНД дарж үзнэ үү