Тим Данкан өнгөрсөн улирлыг дууссаны дараа чимээгүйхэн зодог тайлахаа зарлаж энэ улиралд тоглохгүй байгаа билээ. Тэгвэл өнөөдөр Нью Орлэйн Паликанс багийг AT&T цэнгэлдэхдээ хүлээн авах үеэр түүний дугаарыг мөнхөлсөн байна.

Тэрбээр NBA-д 19 жил тоглохдоо аварга цолыг 5 удаа, финалын MVP буюу үнэ цэнэтэй тоглогчийн шагналыг 3 удаа, Улирлын Үнэ цэнтэй тоглогч 2 удаа, оны шилдэг шинэ тоглогчийн шагналыг хүртэж байсан 

Мөн15 удаа НБА-гийн бүх оддын тоглолтод оролцсон тэрээр НБА -д орсон эхний 13 улиралдаа дарааллан Бүх НБА-ийн баг, НБА-ийн шилдэг хамгаалалтын баг-т нэрлэгдсэн түүхэн дэх цорын ганц тоглогч юм. Тоглох арга барил нь хэтэрхий даруухан имижтэй түүнийг Майкл Жорданаас хойш НБА -д хамгийн том нөлөө үзүүлсэн тамирчдын нэгд тооцдог бөгөөд, НБА -н мэргэжилтнүүд түүнийг бүх цаг үеийн түүхэн дэх хамгийн аугаа шилдэг хүчний довтлогч хэмээн үнэлдэг. Мөн сагсан бөмбөгийн сууринд тулгуурласан тоглох арга барилтай түүнийг "The Big Fundamental" хэмээн Шак хочилсон юм.