Италийн “Интер” болон Английн “Манчестер Сити” клубыг дасгалжуулж явсан Роберто Манчини Францид ажлаа үргэлжлүүлж магадгүй байна. Le Parisien сонины мэдээлж байгаагаар “ПСЖ” Унаи Эмериг халсан тохиолдолд өдгөө 52 настай Итали мэргэжилтэнг ажиллуулахаар судалж байгаа ажээ.

“ПСЖ” сүүлийн үед тун тааруу тоглож байгаа. Аваргуудын лигт хэсгээс хоёроор гарсан бол Францийн Лиг 1-т гуравдугаар байрт бичигдэж байгаа юм. “ПСЖ” хамгийн сүүлд талбайдаа “Ницца” клубтэй 2:2-оор тэнцээд байгаа билээ.

Энэ бүхнээс үүдээд Унаи Эмериг халагдаж магадгүй гэсэн яриад гараад байна.