Орландо Мэжик багийн сагсан бөмбөгийн үйл ажиллагаа хариуцсан ерөнхийлөгч Жефф Уелтмэн чөлөөт агент тоглогч Майк Шаравжамц буюу Ш.Энхийн-Одтой гэрээ байгуулсан болохыг мэдэгдэв. Ингэснээр Монгол Улсын төрийн далбаа NBA-н газрын зураг дээр зөвхөн телевизийн дамжуулагч орон биш, харин тоглогч импортлогч орон болж буй үйл явдал болж, анхны түүхэн баримт бичигдэв. Түүнтэй байгуулсан гэрээ Exhibit 10 буюу 10 өдрийн гэрээ юм. Эх сурвалжийн мэдээлснээр Орландо Мэжик баг Майктай 10 өдрийн гэрээ байгуулснаар энэ зуны турш нийтдээ 60 хоног хамтарч ажилласан болох бөгөөд ингэснээр урамшуулал өгөх үүргийг дүрмээрээ хүлээж байгаа юм. Энэ мөнгөөр тэд Майк Шаравжамцын G League-н багт тоглох цалинг дүрмэнд заасан боломжийг ашиглан нэмж байна.

Юу гэсэн үг вэ гэвэл Энхийн-Од ирэх улиралд Орландо Мэжикийн харьяа Осеола Мэжик (G-League) багт тоглоно. Сайн тоглож чадвал үндсэн багт дуудагдах боломжтой. Гэрээ хийчихээд цуцална гэдэг нь Энхийн-Одыг өөр багт алдахыг хүсээгүй л гэсэн үг.

Энэ үйл явдлын талаар түүний аав Ц.Шаравжамц өөрийн цахим хуудсанд нийтэлжээ.

Энэ өдрийг гүйэ мөн олон жил хүлээлээ дээ. НБА албан ёсны гэрээ хийсэн анхны Монгол боллоо.Хүүгийнхээ нэрийг харах ямар гоё бна аа. 10 хоногийн гэрээ ч гэсэн наддаа бол болно оо. Сэтгэл амрав. Одоо Жи лигийн багруугаа ороод юу чаддагаа үзүүлээд өгөөрэй миний хүү. Аав нь ээж нь хүүгээрээ үнэхээр их бахархаж байна. Монголын сагсчид бас баярлаж байгаа гэдэгт эргэлзэхгүй байна. Бидний олон жилийн хүсэл байсан шүү. Та нартаа ч бас баяр хүргэе. Сүүлд анхны олимпийн аваргатай болход ингэж их баярлаж байсан санагдаж байна