NBA-ын талбайд дорнод бүсийн хагас шигшээн тоглолтууд боллоо. Өмнөх тоглолтод гол тоглогч Жэйсон Тэйтумыг гэмтэлд алдсан Бостон Селтикс талбайдаа Нью-Иорк Никс багийг хүлээн авч тоглолоо. Тоглолтын эхний хагаст талбайн эзэд хоёр оноогоор хожигдож дууссан ч хоёрдугаар үед оноог тэнцүүлж улмаар гурав болон дөрөвдүгээр үед гайхалтай тоглож 25 оноог илүү авч чадсанаар тоглолт 102-127 харьцаагаар Селтикс хожлоо.

Улмаар цувралыг сунгаж 3-2 харьцаагаар Селтикс ойртуулж байгаа бөгөөд зургаа дахь тоглолт Никсийн талбайд тавдугаар сарын 17-ны өглөө болно. Хэрвээ зургаа дахь тоглолт Никс хожвол цувралыг дуусгах бөгөөд харин Селтикс хожвол цувралыг дахин нэг тоглолтод сунгана.

Өнөөдрийн тоглолтод Деррик Уайт 34 оноог авч багаа тэргүүлсэн бол Жэйлон Браун 26 оноо, 8 самбар, 12 дамжуулалт, сэлгээнээс Пэйтон Причард 17 оноог авчээ. Эсрэг багаас Жош Харт 24 оноо, 7 самбар, Жэйлон Брансон 22 оноо, 6 дамжуулалт, Карл Энтони Таунс 19 оноог авсан байна.