Сонгуулийн ерөнхий хорооноос УИХ-ын 2016 оны сонгуульд нам эвслээс нэр дэвшүүлсэн дэвшигчдийг бүртгэх эсэх асуудлыг хэлэлцэж шийдвэр гаргалаа. Улмаар хэд хэдэн нэр дэвшигчийг бүртгэхээс татгалзсан байна. 

Тодруулбал, ТТЭНН-аас 35 дугаар тойрогт нэр дэвшсэн Б.Туяабадрах, АН-аас 20 дугаар тойрогт нэр дэвшсэн Ч.Даваабаяр, АН-аас 33 дугаар тойрогт нэр дэвшсэн Б.Сүрэнжав, БНН-аас 20 дугаар тойрогт нэр дэвшсэн Ж.Дорждагва, МАХН-аас 6 дугаар тойрогт нэр дэвшсэн Д.Чинзориг, МАХН-аас 24 дүгээр тойрогт нэр дэвшсэн Ж.Энхбаатар, МАХН-аас 39 дүгээр тойрогт нэр дэвшсэн С.Саранхүү, МАХН-аас 65-р тойрогт нэр дэвшсэн Э.Эрдэнэжамъян, МАХН-аас  75-р тойрогт нэр дэвшсэн Н.Энхбаяр нар тус тус багтжээ.

Эдгээр нэр дэвшигчдээс АН-ын хоёр нэр дэвшигч болох Ч.Даваабаяр, Б.Сүрэнжав нар өөрийн хүсэлтээр нэрээ татсан бол МАХН-ын дарга Н.Энхбаяр, дэд дарга Д.Эрдэнэжамъян нарын хувьд ЦЕГ-аас ирсэн тодорхойлолтоор ялгүй эсэх хугацаа дуусаагүй учраас нэр дэвшүүлэхээс татгалзжээ. 

Харин БНН-ын нэр дэвшигч хуулийн шаардлага хангаагүй бол бусад нэр дэвшигчдийн тухайд бичиг баримт дутуу гэсэн үндэслэлээр бүртгэхээс татгалзсан байна. Тэгвэл СЕХ-ны гаргасан шийдвэртээ холбогдуулан яг одоо “Зууны мэдээ” сонины Үндэсний мэдээллийн төвд МАХН-ын дарга Н.Энхбаяр мэдээлэл хийж байна. Энэ талаар эргэн мэдээлэх болно.