"Шинь Шинь" ХХК нь Чанарын удирдлагын тогтолцоо ISO 9001:2015, Байгаль орчны менежментийн тогтолцоо ISO 14001:2015  стандартуудыг амжилттай нэвтрүүлж, гэрчилгээгээ хүлээн авлаа. Олон улсын эдгээр стандартыг үйл ажиллагаандаа нэвтрүүлж буй нь компанийн үйл ажиллагааны чанар, найдвартай байдлыг дээшлүүлэх төдийгүй, ажилтнуудын аюулгүй байдал, эрүүл мэнд, байгаль орчныг хамгаалах чиглэлээр тууштай ажиллаж буйг нотлон харуулж байна. Компанийн үйл ажиллагаагаа олон улсын чанарын шаардлагад нийцүүлж, стандартуудыг нэвтрүүлэхийн тулд байгаль орчинд ээлтэй, ногоон бодлогыг баримтлан ажиллаж ирсэн бөгөөд ISO нэвтрүүлж чадсан нь нийт ажилтнуудын маань сүүлийн хоёр жил гаруйн хичээл зүтгэл, хүчин чармайлтын үр дүн юм. ISO 9001:2015стандарт нь бүтээгдэхүүн, үйлчилгээний чанарыг дээшлүүлэх, үр ашигтай менежментийн тогтолцоог бүрдүүлэхэд чиглэсэн бол ISO 14001:2015 стандарт нь байгаль орчныг хамгаалах, нөөцийг үр ашигтай ашиглах, тогтвортой хөгжлийг хангахад чиглэжээ.