Жагсаал хийсэн зургаан багш амиа алджээ
Мексикийн өмнөд этгээдийн Оаксака мужид Боловсролын байгууллагын эвлэлээс эсэргүүцлийн жагсаал зохион байгуулжээ.
Улмаар цагдаагийн байгууллага хүч хэрэглэн тараах оролдлого хийж, хэн нэгэн этгээд галт зэвсэг ашигласны улмаас зургаан багш амиа алдаж, 100 гаруй хүн гэмтэж бэртсэн тухай “Франц пресс” агентлаг уламжиллаа.
Оаксака мужийн Асуншин Ночикстлан хотноо багш нарын “CNTE” эвлэл нэг долоо хоногийн өмнөөс хотын төв замыг хааж, суудлын машин шатаах зэргээр боловсролын салбарт хийгдсэн шинэчлэлт болон боловсролын байгууллагын хоёр ажилтныг баривчилсныг эсэргүүцэн жагсаал зохион байгуулсан байна.
Харин тэднийг хүчээр тараахын тулд цагдаагийн байгууллага галт зэвсэг болон нулимс асгаруулагч хий ашигласнаар олон хүн эрүүл мэнд болон амь насаараа хохирчээ. Мексикийн Аюулгүйн албаныхан анхандаа цагдаа нарыг зэвсэглэсэн гэсэн мэдээллийг үгүйсгэж байсан ч, эцэстээ хүний аминд хүрснийх нь дараа зэвсэглэсэн цагдаа нарыг тараасан гэх тайлбарыг хийсэн байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
