NBA-ын шинэ улирал эхлэхэд 18 хоног үлдээд байгаа бөгөөд улиралын өмнөх тоглолтууд явагдаж байна. Лос Анжелес Лейкэрс өмнөх тоглолтодоо Сакермэнто Кингсийн буулгаж аваад байсан бол энэ удаа талбай дээрээ Дэнвер Наггетс багтай тоглолоо.

Тоглолтын эхний хагасийн төгсгөлийг сайн хийснээр найман онооны зөрүүтэй болгож дуусгасан юм. Харин гуравдугаар үед онооны зөрүү нэг оноогоор ойртсон бөгөөд шийдвэрлэх үед Лейкэрсийн сэлгээнийхэн тааруухан тоглолт үзүүлснээр 101-97 харьцаагаар Лейкэрс улиралын өмнөх эхний ялагдлаа хүлээлээ. тус тоглолтод энэ жилийн драфтийн хоёроор авсан Брэндон Инграм NBAын замналынхаа анхны оноогоо Хуйртесийн дамжуулалтаар нэгээр довтолж авсан бөгөөд тун удалгүй холын зайнаас оруулсан бол тоглолтыг зургаан оноотойгоор дуусгажээ.

Тус тоглолтод Ди Анжело Расель 21 оноог авч багаа тэргүүлсэн бол тус багийн сэлгээнийхэн нийлээд 57 оноог авчээ. Харин эсрэг багаас Бартон 20 оноог авсан бол сэлгээнийхэн нь 36 оноог авчээ.