Хэдхэн хоногийн өмнө Хөвсгөл далайгаас Зил 130 машин чиргүүлтэй нь гаргаж авсан билээ. Тэгвэл тус машиныг жолоодож явсан жолооч нь нуурын эрэгт очсон байна. Тэрбээр

"28 жилийн өмнө буюу 1995 оны 02 сарын 10-ны өглөөний 10 цагт нарядаа бичүүлж аваад хөдөлсөн аймгийн арслан, жолооч Цогтоо.

Мөсөн дээгүүр давхиж явтал гэнэт мөс цөмрөх чимээ гарч түлш ачин унаж явсан Зил-130 автомашин нь чиргүүлийн хамт живжээ. Машинаа мөснөөс гаргах гэж хэдэнтээ оролдоод чадалгүй өөрөө арай гэж машиныхаа хаалганы хажуу талаас татан дээш тэмүүлж амьд гарчээ.

28 жилийн турш далай ээждээ очиж залбирсан гэдэг. Живсэн машиныг нь нуурын 128 метр гүнээс гаргасныг сонсоод жаахан хүүхэд адил гүйн ирж уйлж байхыг хараад дагаж мэлмэрэх шахав.

28 жилийн турш далай ээжийгээ бохирдуулчихлаа гэж харамсаж явсан сэтгэл дэвтэж Зил-130 машин нь чиргүүлийн хамт, түүн дундаа ачсан түлш нь дүүрэн байхыг хараад олон жилийн сэтгэлийн хар чулуу мултарчээ." хэмээжээ.