Чөлөөт бөхийн холбооны өнөөгийн нөхцөл байдлын талаар чөлөөт бөхийн дэлхийн аварга П.Орхон, Т.Тулга нар мэдээллээ. МУГТ П.Орхон “Чөлөөт бөхийн холбооны үйл ажиллагаанд уялдаа холбоо гэх зүйл огт алга. Тамирчдаа дэмжих, хөгжих талаас нь дорвитой арга хэмжээ авахгүй байна. Түүнчлэн тамирчдын эрүүл мэндийг хангаж ажиллах тал дээр учир дутагдалтай хэвээр байна. Гадаад болон дотоодын тэмцээнд тамирчид эмчгүйгээр явж, өвдсөн үедээ өөр бусад орны эмч нарыг бараадаж байна. Бидний зүгээс тавьж буй гол шаардлага нь Чөлөөт бөхийн холбоог үндсээр өөрчлөх, тогтолцоог нь шинэчлэх явдал юм. Тамирчдынхаа төлөө ажиллах сэтгэлтэй шинэ ерөнхийлөгчтэй болохыг хүсэж байна" гэлээ.

Түүнчлэн олон улсын уралдаан, тэмцээнд явахад зардал мөнгөний асуудал тамирчдын хувьд хүндхэн дарамт болдог талаар онцолж байсан юм.