ШШГЕГ-аас зорчих эрхийн ялын хэрэгжилт, цахим гавтай холбоотой асуудлаар мэдээлэл хийлээ. Мөн үеэр ШШГЕГ-ын дэд дарга, хурандаа Х.Ариунболд "Э.Одбаяр нарын залуусыг бүсийн хязгаарлалтаа зөрчөөгүй байхад танай цахим бугуйвч буруу зааж байна, гацаж байна гэх асуудал хэвлэл мэдээллийн хэрэгслээр болон цахим орчноор тархсан. Манайх 24 цагаар хяналтаа тавьж ажиллаж байгаа. Гэтэл эдгээр залуусын 1-2 нь бүсээс гарч, өөр дүүргийн нутаг дэвсгэр рүү 3-4 минут орж үзээд дохио ирдэг эсэхийг нь шалгаад буцаж дүүрэгтээ орж ирж байна. Энэ нь зөрчил болж заагдан анхааруулж байгаа. Түүнээс биш цахим гав алдаа зааж байгаа зүйл байхгүй. Бүх цахим бугуйвчуудаа засварласан. Мөн систем дээр 3000 гаруй ялтанг хүлээж авах системийн шинэчлэлт хийсэн. Гацалт үүсэхгүй" гэв.