Реалити шоуны од Ким Кардашиан Парист байхдаа халдлагад өртөж, нийтдээ есөн сая еврогоор үнэлэгдэх үнэт эдлэл, хоёр I phone гар утас бусад эдлэлээ  дээрэмдүүлсэн талаар бид өмнө нь мэдээлсэн. Хэрэг үүрийн 02.25 цагийн үед гарсан бөгөөд тухайн үед түүний бие хамгаалагч Паскал Дувиер  Кортни Кардашиан, Кендалл Женнер нарын хамтаар шөнийн клуб явсан байж таарсан аж. 

 Цагдаа хувцас өмсөн зүсээ хувилгасан хоёр этгээд “од” бүсгүйн  ойрын хүнийг барьцаалж, буу тулган, амыг нь тагалж, орон сууцны гаднах хаалгыг нээлгэсэн байна. Дараа нь унтлагын өрөөнд байсан Ким Кардашиан руу халдаж, буу тулган хөл гарыг нь хүлж, угаалгын өрөөнд оруулан түгжжээ. Энэ үед бүсгүй “Намайг битгий алаач. Би нялх хүүхэдтэй” хэмээн амь гуйн уйлж байсан гэнэ. 

Одоогоор бүсгүй Нью Йорк дахь гэртээ гурван  настай охин, ой гарантай хүү, нөхрийнхөө хамт хувийн онгоцоороо ирсэн байна. Дээрэмчид Канье Уэстийн эхнэртээ бэлэглэсэн алмаазан шигтгээтэй бөгжийг авч явжээ.