МСБХ-ны Үндэсний Дээд лигийн 2022/23 оны улирлын эрэгтэй лигийн плэйоффын эхний шатны цувралын дөрөв дэх тоглолтууд боллоо. Налайх Бизон 70-79 Эрдэнэт Майнерс

Улирлыг 16-2 амжилттай дуусгасан Эрдэнэт Майнерс баг плэйффын эхний шатаа нэг ч хожигдолгүй давж хагас шигшээд шалгарлаа. Тэд дараагийн шатанд Хасын Хүлэгүүд болон IHC Apes багуудын цувралд хожсонтой нь таарах билээ.

Тоглолтын баатар: Өнгөрсөн оройн тоглолтод Эрдэнэт Майнерс багийн төвийн тоглогч О.Энхбаатар 10 оноо, 10 самбар авч дабл дабл гүйцэтгэлээ. Мөн Г.Ган-Эрдэнэ тун сайн тоглолтыг үзүүлж 15 оноо, 4 самбар, 5 оновчтой дамжуулалт өгч тоглолтыг дуусгасан юм.

Тоглолтын эргэлтийн цэг: Хожил авсан Эрдэнэт Майнерс баг тоглолтыг маш эхлүүлж эхний үе дуусахад 15 онооны илүү болсон байлаа. Харин Налайх Бизон баг хоёрдугаар үеийн эхлэл болон төгсгөлийг маш сайн хийж онооны харьцааг 6 болгож ойртуулсан юм. Гуравдугаар үед Т.Санчирын амжилттай гүйцэтгэсэн холын зайн шидэлтээс эхлэлтэй Эрдэнэт Майнерс баг 9-0 run хийж онооны зөрүүг 13 болгож тоглолтын хэмнэлийг бүрэн эргүүлсэн байна.

Статистик худлаа хэлдэггүй: Хожигдол амссан Налайх Бизон баг багаараа 25.0 хувьтай холын зайнаас шидсэн бол хожил авсан Эрдэнэт Майнерс баг багараа 44.4 хувьтай холын зайнаас шиджээ.