“Эрдэнэт хотын өдөр” болон “Анхдагч илгээлтийн эзэд”-ийн өдрийг тохиолдуулан Орхон аймгийн хүндэт иргэний шагналыг хоёр иргэнд гардууллаа. Эрдэнэт хотын АДХ-ны гүйцэтгэх захиргааны мэргэжилтнээс Орхон аймгийн Засаг дарга, Эрдэнэт хотын захирагч, ИТХ-ын даргын албыг хашиж түүхэн хөгжил, бүтээн байгуулалтад онцгой хувь нэмэр оруулж байсан Касены Даулетбайг шагнав.

Мөн Улаантолгойн сангийн аж ахуйн анхны тракторчин, комбайнчин, Эрдэнэт хотын анхдагч илгээлтийн эзэн Дашдаваагийн Хасбаатар нарыг Орхон аймаг, Эрдэнэт хотын дээд шагнал Эрдэнэт хотын “Хүндэт иргэн” шагналаар шагнаж, тус бүр нэг сая төгрөгөөр урамшууллаа. Тус шагналыг анх 2006 онд Эрдэнэт хотын 30 жилийн ойгоор олгож эхэлсэн бөгөөд энэ жил 42, 43 дахь иргэндээ гардуулаад байгаа юм. Эрдэнэт хотын хүндэт иргэн” шагналыг 1 сая төгрөг дагалддаг. Уг шагналаар шагнуулсан иргэд нийтийн тээврээр үнэ төлбөргүй зорчиж, эрүүл мэндийн үйлчилгээ авах тохиолдолд дараалал харгалзахгүй үйлчлүүлдэг билээ.