Английн премьер лигийн 6 дугаар тойргийн хүрээнд өнгөрсөн шөнө “Вест Хэм” клуб талбайдаа “Саутгэмптон”-ыг хүлээж авсан. Өнгөрсөн улиралд гайхалтай байсан Лондоны баг энэ улирлын эхэнд үнэхээр тааруу байгаа.

Тиймдээ ч “Саутгэмптон” өрсөлдөгчөө талбайд нь 0:3-аар буулгаж авлаа. Ингэснээр зочид 8 оноотой болж, 10 дугаар байрт бичигдэж байна.

Харин “Вест Хэм” клуб ердөө л 3 оноотой хэвээр үлдэж, 18 дугаар байрт бичигдэж байна. Тоглолтын 40 дэх минутад Чарли Остин тооны харьцааг нээсэн бол 62 дахь минутад Тадич нэгийг нэмж, Уорд-Проуз 90 дэх минутад гүйцээжээ.