Энэтхэгийн хууль тогтоогчид тус улсын 15 дахь Ерөнхийлөгчөөр Дроупади Мурмуг сонголоо. Өдгөө 64 настай Мурму нь Энэтхэгийн үндэстний цөөнхөөс сонгогдсон анхны ерөнхийлөгч юм.

Багш мэргэжилтэй Мурму энэ сарын 25-д тангараг өргөснөөр албан ёсоор тус улсыг тэргүүлэх хоёр дахь эмэгтэй болно.

Даваа гарагт эхэлсэн сонгуульд 4500 гаруй хууль санаачлагч саналаа өгсөн бөгөөд Ерөнхий сайд Нарендра Модигийн Bharatiya Janata Party (BJP) намын дэмжлэг их байсан гэж судлаачид үзэж байна.

Ерөнхий сайд Моди "Энэтхэгийн зүүн зүгийн алслагдсан хэсэгт төрсөн үндэстний цөөнхөөс гаралтай Энэтхэг охин манай шинэ ерөнхийлөгч боллоо" хэмээн баяр хүргэжээ.

Мурму нь Одиша мужийн Сантал овгийн гэр бүлд төрсөн. Энэтхэгийн бага ястнууд нь тус улсын 1.4 тэрбум хүн амын 8 хувийг бүрдүүлдэг.

Энэтхэгийн ерөнхийлөгч нь зэвсэгт хүчний ерөнхий командлагч бөгөөд хямралын үеийн Засгийн газрыг байгуулахад чухал үүрэг гүйцэтгэдэг.

Тус улсын анхны эмэгтэй ерөнхийлөгч нь 2007-2012 оны хооронд ажилласан Пратибха Патил байсан юм.